Кәсіптік бағдардың маңызы зор

 ХХІ ғасыр – жаһандық жаналықтар ғасыры ғана емес, білімнің дәуірлеу ғасыры.  Осындай заманда дұрыс таңдалмаған мамандық – мамандық иесінің өзіне ғана емес, қоғамға да кері әсерін тигізетінін ұмытпағанымыз жөн. Бала үшін болашақ мамандықты  таңдау  өмірлік  жолын дұрыс таңдаумен  бірдей. 

Егер қоғамымызды дамыған елдер қатарынан көргіміз келсе, жастарды білімді, білікті мамандар қатарына қосуымыз үшін мектеп мұғалімдері оқушыларға сапалы білім беріп, сонымен қатар жастарға келешекте кәсіптің түрін таңдауға көмек беруіміз керек. Ол да кәсіптік даярлыққа айрықша көңіл бөлу қажеттігін көрсетеді.
Осы мақсатта 2016 жылы ҰБТ жүйесіне біршама жаңалықтар еніп, өзгерістер жасалуда. Техникалық мамандықтар мен мұғалімдік мамандыққа Білім және ғылым министрі Ерлан Сағадиев ерекше көңіл бөлуде. Абай атындағы ҚазҰПУ-дың басты және негізгі міндеті – бастапқы білім негіздері мен қолданбалы әдістерді меңгерген бәсекелестікке қабілетті, жоғарғы әлеуметтік және азаматтық жауап­кершілігі бар мамандар дайындау.
Жас ұрпақтың дұрыс маман­дық таңдап, болашақ өмірлеріне дұрыс бағыт-бағдар беру. Осы мақсатта Абай атындағы ҚазҰПУ-дың ректоры, академик С.Пірәлиевтің нұсқауы бойынша және университеттің қабылдау комиссиясының төрағасы, профессор Б.Иманбердиевтің басқаруымен талантты жастарды іздеу мақсатында арнайы «Кәсіби бағдар» форумы өмірге келді. Топ мүшелері құрылды. Оның жетекшісі химия-биология ғылымының кандидаты, профессор Е.Бірталаев.
Топ мүшелері жақында Алматы облысының Үшарал қаласында, Сарқан, Ақсу, Ескелді, Көксу аудандарында, Оңтүстік Қазақстан облысының Шымкент қаласында, Ордабасы, Төлеби, Сайрам, Түлкібас ауданындарында, Жамбыл облысының Тараз қаласында, Жуалы, Байзақ, Т.Рысқұлов, Меркі аудандарындағы 150-ден аса мектептерде, 3500-ден аса қатысқан түлектермен пікір алмасып, биылғы жылғы ҰБТ жаңалықтарымен және Абай атындағы ҚазҰПУ-дың өмірі, ондағы мамандықтар туралы, университет ректорының арнайы үздік оқитын жастарға бөлінетін гранттарымен, әлеуметтік жеңілдіктерімен таныстырды. Мектеп бітірушілер біршама сұрақтарға тұшымды жауап алып, арман қала Алматыға келіп, қазақтың тұңғыш жоғары оқу орны Абай атындағы ҚазҰПУ-да білім алсақ деген ниеттерін айтып, университет ректорына өз ризашылықтарын білдірді. Жеке тұлғаның бір жақсы, маңызды, әлеуметтік мәнді іс тындырғысы келеді, бірақ оның бәрі көбінесе арман. Белсенді де, жарқын болатын арманнан гөрі өмірлік жоспар – бұл әрекет жоспары. Мамандық таңдау кезінде оқушыларға кәсіби бағдар беру әрқашан маңызды мәселе болмақ. Себебі дұрыс мамандық таңдау – ол ертеңгі ел тағдыры, адам тағдыры, қоғам тағдыры. Дұрыс кәсіп таңдаған адам – рухы биік тұлға болатыны анық.

Е.МОЛДАСАНОВ

Оқи отырыңыз... Авторлық мақалалар

8 Пікір

  1. Арман

    Аталған мақаладағы ЖОО нан келген, ұстаздардан мамандықтың өмірдегі орны мен мақсат міндеттері туралы біршама хабар алдық. Әрі Абай атындағы ҚазҰПУ-нің тарихымен,ондағы мамандықтармен,арнай ректор жеңілдіктерімен, конкурстар туралы білдім. Өйткені ақылы оқуға түсіп, 1-2 курстарда өте жақсы оқитын судентерге университет грантты берілетінін осы кәсіптік бағдар беруші ұстаздардан білдім.

  2. Нүркен

    автордың қозғап отырған мәселесі қоғамдағы дәрігер тілімен айтсақ «өте қатты ауырулардың бірі. Өйткені өз мамандығын дұрыс таңдамаған адам, ол өз өміріне, қоғамға өте зиян келтіретіні белгілі.мақаладағы ЖОО педагогикалық ЖОО болғандықтан бұл мамандыққа тек өте жақсы оқитындар, адамдармен, әсіресе оқушылар мен дұрыс жұмыс істей алатын,мұғалімдік мамандықтың өте жауапты, ақшасы аз. ауыр жұмыс екенін сезініп , соған шыдайтындай болып бару керек.Одан бөлек ақысыз сайлауды, үгіт насихатты жүргізетін кім? Ол-ақшасы аз, әрине қайыршы емес,күнкөрісіне жетер-жетпес ақшаға жұмыс істейтін адам -мұғалім.Ораза айында сұрайтыным мұғалімдерді қайыршы қылмай, еңбек ақысын қазіргі уақытпен есептесек 250-300 мыңға жеткізіп, білім, білік, дағдыны талап етсе қандай жақсы жұмыстар, жақсы шәкірттер шығар еді.тестіні құрту керек, сауатсыздықтың басы бұл-тест

  3. Асан - көкшетаудан

    Қазақстанның көп жерін аралап кәсіптік бағдар берген екен. Қаншама жас ұрпақтың жолын ашып,кеңес берілді. Осындай игі істер біздің Көкшетау жеріне келсе игі болар еді. Біз де Алматыдай Әсем қалада оқығымыз келеді. Сіздерді келесі жылы күтеміз.

  4. Напил - Манғолиядан

    Бүгін Қазақстанда ТМД елдерінің ішіндегі оқу сапасы дұрыс жолға қойылған мемлекет екенін біз БАҚ-нан көріп жүрміз.Ол дұрыс мамандық таңдап, жастарға дұрыс бағыт -бағдар беруден -деп ойлаймын.ҚР-да қаншама жас минстрлер келді. Ол ел Экономикасын өзгертетіні анық. Әрине оларға басымдылық беру керек. мақала авторының мақаласындағы университет ректорының қазіргі заман сұранысына сай жасалған шара деуге болады.Мұндай игі шараны қазақтар тұратын Қытай, Маңғол, Өзбекстан, қырғызстан мемлекеттеріне де жүргізсе,ондағы қазақ балаларына жеңілдіктер қарастырылса, Отанға келіп оқып, Отанға қызмет етер еді. Ата-бабасының топырағын искер еді.Рухы көтерілер еді.Мемлекет тарапынан осындай айтылған шаралар іске аса,Қуатты Қазақ елі болар едік ШІРКІН. Ораза қабыл болсын.Менің айтқан ұсыныстарым ел басына жетсін.тілегімді АЛЛА қабыл етсін. әумин!

  5. Үшарал қаласынан - Гүлжамал

    Мақала авторының жазғанындай көп жерді аралап, кәсіптік бадар бергені құптарлық — іс. Бірақ менің айтарым ЖОО мен мектеп арасында жақсы байланыс болса.Ол қандай? Мысалы
    пәндік олимпияда Мұқағали, Бердібек, Таңжарық -шығармаларынан жарыс (50-100 өлең жатқа оқыса Университет гранты-қандай керемет, Әрине конкурспен)
    Шаханов оқулары — 50-100 өлең грант,Төлеген Айбергенов оқулары -50-100 өлең гран) Абай,Шәкәрім,Жыраулар поэзиясына, Сәкен, Мағжан,Ахмет,Міржақып, Оралхан оқулары делік осындай таланты жастардан жылына 5 студент қабылдаса,25 жылда -125 түлек шығар еді.Қандай керемет. міне ұрпақ жалғастығы деген осы.Тілі, тарихына көңіл бөлген едің өмірінің де ұзақ болары анық. Келесі жылы басқа мамандық бойынша олимпияда. Себеббі: 5 жақсы оқитын студент ол топты жетектеуші күш болады.Қалғандары соларға қарап, бой, ой түзейді.

  6. Төле биден - Дариға

    80 бал алдым, сізердің оқу орындарыңызға түсе аламын ба? Биология-химия бірлескен мамандық бар ма?

  7. Асан шах

    Қазақстан білім жүйесін түбегейлі өзгерту керек.Өйткені қазір Балон зертханасына айналып,жемқорлардың қолында қалды.Ауыл, аудан, қала мекендерінен алынған жалған ақпаратттар білімді құрдымға апармағанда қайда апармақ? интернет жүйелері де жоқ.кабинаттердегі 20 адамға арналған 4 компютер не қосылмады, не жұмыс істемейді. бәрі тозған. Мен мұны жаным ауырған соң айтып отырмын. балам мектепте оқиды. болашағы бұлыңғыр, шетелге бірнеше мллион берешегі бар біздің елдің болашағы, балаларымыз не болмақ. Сол алаңдатады.үш тілді мемлекет алаңдатады.Жолдас, министр қай мемлекетте үш тіл бар. бұл дұрбелең, мәңгүрттік.

  8. Жазира алматы

    Мақала авторы жастарға мамандық таңдаудың маңызы туралы ой қозғап, таңдаған мамандықтың болашақ өмірде маңыздылығының ерекше екендігіне бағыт бергендей. Әрине мамандық таңдауда ата-ананың ролінің басым болатыны анық. дегенімен де ең соңғы шешешімді адамның өзі таңдау керек. ҚР-да Оқу жүйесі дұрыс құрылмағандықтан, мектеп бітіруші түлектерге мамандық таңдау барысында қиындық соғары анық.Мамандық таңдауда бірінші мемлекеттен сұраныс болу керек. Мысалы қанша, қандай пәнің мұғалімі, дәрігері , сварчик. технолог, инженер,құрлысшы, кандай мекемеге, өндіріс орнындарына қажет.Солар тапсырыс беріп, келісім шартпен оқытса. 3-5 жыл бұрын қажетті , сұранысқа ие мамандықтар БАҚ құралдарынан шығып, хабарланып тұрса қандай жақсы болар еді.Бүгінгідей жұмыссыздық азаяр ма еді.

Пікір қалдыру

Сіздің E-mail-ңыз жарияланбайды.