Фатиманың үйі

Болашағын ойлайтын елдің баласы ең әуелі тарихқа жанашырлық танытса керек… Ата тарихымызды, сол тарихтан ойып алған біртуар тұлғаларды хатқа басып, тасқа таңбаласақ Тәуелсіз Қазақстанның жаңа қалыптасып келе жатқан ұрпағы алдындағы ең үлкен сауап болары даусыз.
Заманында Қапал қала болатын. Қапал қаласында атақты Біләл Сүлейұлы дүниеге келген-ді. Суретте көрсетілген бір кездегі көрікті үйде Фатима Ғабитова дүниеге келіп, сол шаңырақта тұрған еді. Биыл Біләлдің мерейтойы (125 жыл), ешкім үндемеді. Павлодар облысы Сұлтанмахмұттың, Қызылжар өңірі Мағжанның 125 жылдығын дүркіретіп өткізді…

Архивтерден Біләл Сүлей-ұлы мен Фатимаға қатысты мол қазынаны тауып отырмын, бірақ оларды алуға еш қаражат таппадым. Кітап қылып шығармақшы едім…
Фатима анамыздың Мұхтар Әуезов, Ілияс Жан-сүгіров сынды Алаштың әйгілі тұлғаларымен тағдыр табыстырғанын екінің бірі біледі. Басынан небір зобалаң-дарды өткерген қайсар қыздың қаһармандығын бүгінгі менің замандастарым білсе керек еді…
Осы мәселе бойынша қалталы азаматтарға өтініш айтып, артындағы құнды мұраларды жарыққа шығармаққа ниеттеніп едім… Болмады. Бойымызда талап, қабілет болғанымен, қалта-мыз тесік. Қайтейік… «Өзіңде жоқ болса, әкең де жат» деген осы.
Суреттегі үй бірнеше жыл бұрын Фатима анамыздың музейі болған, бүгінгі халі адам көргісіз… Осы үйді сақтаса, мұражай қылып, оған жер жаннаты – Жетісудың тұғырлы тұлғаларына қатысты архив мұраларын жинастырса, қандай орайлы іс болар еді… Ғалымы, жазушысымен байланысқа түспейтін жергілікті билік өкілдерінің «қызметі» көңіл қуантпай тұр!
Мемлекет басшысы тарихымызды тануға кезең-кезеңімен тамаша мүмкіндік туғызды. «Рухани жаңғыру» бағдарламасы ауқымында жүзеге асуы тиіс елдік шаруа-ның бірі осы болар еді, амал жоқ.
Қайтпек керек?

Елдос ТОҚТАРБАЙ

Оқи отырыңыз... Авторлық мақалалар

1 Пікір

  1. Аноним

    Құрметті қапал тұрғындары, қолдарыңыздағы байлықтарыңызды,уақытылы пайдаланыңыздар.

Пікір қалдыру

Сіздің E-mail-ңыз жарияланбайды.