Almaty – almaly shahar

Almaty oblysyna qarasty Talǵar aýdanynyń Almaly aýylynda «Jetisý – almanyń Otany» atty birinshi respýblıkalyq Baq kúni semınary men kórmesi ótti. Sharaǵa QR Aýyl sharýashylyǵy mınıstrliginiń «Atameken» ulttyq kásipkerler palatasynyń ókilderi, qoǵam qaıratkerleri, sheteldik sarapshylar, bıznes qurylymdary, ǵalymdar qatysty.

Qazaq jemis-kókónis sharýashylyǵy ǵylymı-zertteý ınstıtýtynyń Pomologıalyq baǵynda bolǵan kórmede otandyq alma men kóshetter, osy saladaǵy jańa tehnologıalar kópshilik nazaryna usynyldy. Sonymen qatar almanyń «Aport» sortynyń baıqaýy da uıymdastyryldy. Jalpy baǵbandardyń aıtýynsha, qazir jemis-jıdek, júzimniń kópjyldyq kóshetterin otyrǵyzyp, ósirý shyǵyndaryna sýbsıdıa beriledi. Bul úlken kómek ekeni sózsiz. Alaıda memleket tarapanan jańǵaq sıaqty maıly dánderge qarjylaı qoldaý múldem joq. Al qarajat jetpegendikten, elimizde jańǵaq sharýashylyǵy damymaı, kenje qalyp otyr.
Shara aıasynda «Otandyq joǵary sapaly otyrǵyzalatyn materıal (kóshetter) – bul otandyq baq sharýashylyǵyn damytýdaǵy basty faktor» degen taqyryppen ótken basqosýda kóptegen máseler keńinen talqylandy. Sonymen qatar qazaqstandyq kóshetterdiń shetelden ákelingen kóshetterden qandaı artyqshylyǵy bar, otandyq tálimbaqtar óz ónimderine kepildik bere ala ma, jańa kadrlardy qaıdan izdeý kerek, memleket óz baǵbanyna qalaı kómektese alady degen problemalyq máseleler de talqyǵa salyndy.

Nurlan QUMAR

Оқи отырыңыз... Авторлық мақалалар

Пікір қалдыру

Сіздің E-mail-ңыз жарияланбайды.