Тілге құрмет – елге құрмет

Алматы қаласындағы Ғ.Мүсірепов атындағы №86 гимназияның ұстаздары мен оқушылары филология ғылымының докторы, профессор Темірхан Тебегеновпен және ҚР Жазушылар одағының мүшесі, жазушы, журналист Ділдәр Мамырбаевамен кездесті.

Кездесуді осы мектептің қазақ тілі мен әдебиеті пәнінің мұғалімі Жанар Сатымбаева ұйымдастырып, 8-сынып оқушылары қазақ тілі төңірегінде арнайы өлең-жырлар оқыды. Басқосуда Т.Тебегенов пен Д.Мамырбаева тілдің бүгінгі беталысы мен қазақ әдебиеті ­туралы келелі әңгіме қозғап, мемлекеттік тілді құрметтеу, үйрену, көпшілік ортада ұлттық тілдің айбынын асқақтату турасында дәлелді, деректі жайттарды тілге тиек етті. Мектеп оқушылары ғалым мен жазушыға қазақ тілінің өрісі мен кеңістігі жайлы сауалдарын қойып, бұл турасындағы өз пікірлерімен де бөлісті. Кеш соңында қонақтар тұшымды ой-пікірін білдірген оқушыларға өз кітаптарын сыйға тартты.

Н.Батыр

Оқи отырыңыз... Авторлық мақалалар

Пікір қалдыру

Сіздің E-mail-ңыз жарияланбайды.