- Әдебиет
- 14 Қараша, 2013
Алаш қайраткеріне арналған кітап
Жуырда Л.Н.Гумилев атындағы Еуразия ұлттық университетінің «Еуразия» гуманитарлық ғылыми зерттеулер орталығының ұсынуымен «Enter Group» баспасынан Алаш қайраткері, білікті дәрігер Асылбек Сейітов туралы «Асылбек Сеитов: патриот, общественный деятель, ученый» деп аталатын кітап жарыққа шықты. Жинақтың құрастырушысы тарих ғылымдарының докторы, профессор З.Қабылденов. Кітапта Алаш қайраткерінің өнегелі өмір жолы мен атқарған қызметі, қилы тағдыры жөнінде тарихи деректер берілген.
Асылбек Сейітов Томск медициналық университетінің түлегі. Еліміздің денсаулық сақтау саласының дамуына сүбелі үлес қосқан білікті дәрігер. Зұлмат жылдары жазықсыз ату жазасына кесілген ұлт зиялыларының бірі. Кітап бес бөлімнен және қосымшадан тұрады. Бірінші бөлімде Асылбек Сейітов туралы жазылған мақалалар топтастырылса, екінші бөлімде қайраткер азаматтың өмірі мен қызметі туралы саяси құжаттар, үшінші бөлімінде өзінің жазған публицистикалық мақалалары топтастырылған. Төртінші және бесінші бөлімдерде А.Сейітовтің туған-туыстары мен ұрпақтары жайында мәліметтер келтіріліп, өмірі мен қызметінен сыр шертетін фотосуреттер ұсынылған.
3678 рет
көрсетілді0
пікір