- Ақпарат
- 10 Сәуір, 2014
«Күншуақ» оқырманға жол тартты
Ақтөбе облыстық тілдерді дамыту басқармасының қолдауымен мектеп жасына дейінгі бүлдіршіндерге арналған «Күншуақ» журналының алғашқы саны жарыққа шықты.
Аталмыш басылымның құрылтайшысы – басқарма жанындағы тілдерді дамыту орталығы, шығарушысы «Айша Бибі-Сланды ана» ЖШС, бас редакторы және көркемдеу орталығының директоры Айнагүл Таңатова. Облыстық тілдерді дамыту басқармасының басшысы Гүлайым Төлебаеваның алғы сөзімен ашылған 36 беттік басылымның көркемделуі әсем, жылтыр қағазға түрлі-түсті бояулармен бөбектерді қызықтырар кейіпте шығарылыпты. Басылымның 12-13 беттерінде кішкентай балғындардың балауса жырларына орын берілсе, ал 20-бетте «Жас суретшілердің көрмесі» деген тақырыппен Ақтөбе облысындағы мектептердің бастауыш сыныптары оқушыларының өздері салған суреттері жарияланған. «Күншуақ» басылымының алғашқы саны бір мың дана таралыммен оқырманға жол тартты.
Жанғабыл ҚАБАҚБАЕВ
2734 рет
көрсетілді0
пікір