• Қоғам
  • 09 Сәуір, 2015

Киелі мекендегі мәслихат

Абай-муззҚазақстан Республикасының Тұңғыш Президенті Н.Ә.Назарбаев жұмыс барысымен Шығыс Қазақстан облысында болды. Мемлекет басшысы Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығында болып, мұражайдағы жәдігерлермен танысты. Семей қаласының зиялы қауым өкілдерімен кездесу өткізіп, Шығыс Қазақстан облысының мәдени және рухани мұраларға бай екендігін, оларды сақтау мен дамыту мемлекеттік саясаттың басым бағыттарының бірі екендігін атап өтті.    – Шығыс Қазақстан – Абай, Шәкәрім, Мұхтар Әуезов туған киелі мекен. Олардың шығармаларында терең философия тұнып жатыр. Ұлы Абай барлық ұлттар бір әулеттің балалары екенін жүз жыл бұрын айтқан. Біз бүгін елдегі достықты, тұрақ­тылықты нығайтудамыз. Көптеген елдер 100 жылда да жетпеген нәрсеге біз небәрі 23 жылда қол жеткіздік. Егер тәуелсіздік сақталмаса, ел экономикасы да­мымаса және әлеуметтік мәселелер ше­шілмесе, халық игілікке кенелмейді. Бүгінде барлық бағытта жұмыс жүргізіліп жатыр. Бұрын Семейде жылу беруге байланыс­ты проблема болды, 200 қазандық қаланы түтінге орайтын. Қазір бұл проблеманың бәрі шешілді. Біз Семей ГЭС-ін салу мәселесін ойластырып жатырмыз. Жалпы, Қазақстан дұрыс жолда келеді, саяси тұрақтылықты, өзара түсіністікті және достықты сақтау қажет, – деді Қазақстан Президенті. ...Мемлекет басшысын «Казцинк» жауапкершілігі шектеулі серіктестігінің ұжымы қуана қарсы алды. ­Елбасы зауыттың жұмыс барысымен танысып, ұжым мүшелерімен жүздесті. Мыс қорыту цехының балқытушысы Нұрлан Ыдырышев Мемлекет басшысына металлургтердің еңбек құралы – сынама іріктеушіні сыйға тартты. Елбасы өз сөзінде «Бүгінде комбинатта 20 мың адам еңбек етеді. Технология жетілдірілуде. Инвесторлар қар­жы салып жатыр. Жаңа мыс зауы­тында болдым. ­Зауыт экологияны бұзбай, өнім шығарып жатыр. Біз армандағандай, бар­лық газ сүзгіден өтіп, күкірт исі білінбейтін болды. Мен ин­весторларға қаланы ластамау жө­нінде талап қойдым. Кәсіпорын жыл сайын халықаралық деңгейде 450 миллиард теңгенің өнімін өндіреді. Тек мыс зауытының өзі жылына 70 мың тонна катодты мыс шығарады» деді. Н.Назарбаев ұлттар арасындағы татулықты және дінаралық келісімді сақтаудың қажеттігін де тілге тиек ете отырып, «Сіздердің облыстарыңыз – ұлы адамдар шоғырын тудырған қасиетті жер. Бұл – Қазақстанның 100 этносының отаны. Өңірдің кіші Ассамблеясына 44 этномәдени бірлестік, 4 Достық үйі кіреді, ал олардың тәжірибесіне баға жетпейді және ол БҰҰ-ны қоса алғанда, бүкіл әлемде зерттелуде. Біз мұны сақтап, дамытуға тиіспіз» деді. Елбасы сонымен қатар сапар барысында облыстық драма театрының ашылу салтанатына қатысты. – Өскеменде осы театрдың салынуы­на өте мүдделі болдым. ХІХ ғасырда салынған ескі театр ғимаратының тарлығына байланысты онда қазақ және орыс труппасының өнерін өрістетуіне мүмкіндік аз болды. Сондықтан осы театрды салдық. Міне, мәдениеттің жаңа ордасы 600 орындық көрермен залымен, 150 орындық шағын залымен және 3 дайындық залымен бірге пайдалануға берілді. Мұнда қазақ және орыс труппалары еркін еңбек етеді. Осы сахнада өскемендіктер жергілікті театр ұжымының өнері мен ойынын тамашалап, өңірдің мәдениет қызметкерлерінің шығар­машылық шыңына куә болады, тарихымыздан тамыр тартып, заманауи қойылымдар, драма, ко­медия жанрында түрлі тақырып­тар қамтылады деп ойлаймын. Мәдениетті дамыту үшін алдымен экономиканы дамыту керек. Кеңес Одағы құлаған кезде адамдар жұмыссыз қалды, еңбекақы мен зейнетақы төленбеді. Театр туралы  ойлануға мұрша болмады. Қай кезде тыныш өмір, жақсы кіріс болады, сол кезде адамдар театрға барғысы келеді. Қазір елімізде үш опера және балет театры жұмыс істейді. Астанада жаңадан бірегей опера театры салынды. Мен Рим, Париж, Сидней қалаларындағы опера театрларын көрдім. Біздің театрымыз барлығынан да әдемі дер едім. Гранд-опера өкілдері де акустика, техника жағынан үздік деген баға берді. Барлық облыстарда қазақ және орыс труппаларын қоса есептегенде 50 театр жұмыс істейді. Бұл – мемлекеттің ғажап қамқорлығы. Өйткені рухани-мәдени өміріміз де экономикамыз іспетті дамуы тиіс, – деді Мемлекет басшысы. Елбасы ел ішіндегі достық пен ынтымаққа қатысты ойын былайша жеткізді: – Тәуелсіздіктің 23 жылын­да біз ауқымды табысқа қол жет­кіздік. Экономика 17 есеге өсті. Адам­дардың өмірі өзгерді. Жас буын­ды тәрбиеледік. Осы бағыт­та әрі қарай жұмыс істейміз. Көп­этносты Қазақстанда тұрақты­лықтың, достықтың, өзара түсініс­тіктің арқасында барлығы бар. Біз оны сақтауымыз, дамытуы­мыз керек. Құрылғанына 20 жыл болған Қазақстан халқы Ассамблеясының арқасында  баршамыз діни, этностық, тілдік және тарихи құндылықтарымызды қамтамасыз етеміз. Бұл – елімізді өркендетудің негізі. Қазақстан – достық пен бауырмалдықтың, тағаттылық пен келісімнің жері, – деді Елбасы. Барша қауымға денсаулық, татулық пен жарқын өмір тілеген Мемлекет басшысы өнерпаздардың өнерін тамашалап, әлемдегі ең үздік 10 сопраноға енген қазақстандық әнші Мария Мудряктың әнін тыңдады.

Бағдагүл Балаубаева

3972 рет

көрсетілді

1

пікір
Алдыңғы мақала Ат құлағында ойнаған қазақ едік...
Келесі мақала Достықтың алтын мекені

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Рустем

13 Тамыз, 2020

Менің көзқарасымымша, мемлекеттің мол құралдары барлық қазақтардың өміріне лайықты жағдайлар жасауға бағытталуы керек, бұл біздің негізгі және принципті мақсатымыз болуға тиісті. Барлығы халық қызығушылығымен, адамдардың маңызды проблемаларын шешуге жасалуы керек. Менің ойымша, әрбір қазақ оппозиция болсын, коммунист болсын, демократ болсын, социалист болсын мейлі, кім болса да сол болсын, бірақ ең біріншіден қазақ болу керек. Менің ойымша, 1 желоқсанда біз домбыра күнін тойлауымыз керек. Өйкені нағыз қазақ қазақ емес, нағыз қазақ домбыра. Домбыра күні жалпыұлттық мейрам ретінде тойлану керек деп есептеймін, бұл біздің жас ұрпғымызды және ұлттық санамызды өсіруге пайдалы болады. Құрметті отандастар! Менің ойымша, ХХІ ғасырдың басында Қазақстан егеменді мемлекет ретінде және әлемдік бірлестіктің толық құқылы мүшесі ретінде өзінің ішкі-сыртқы саясатын ұлттық және мемлекеттік мүдделерді есепке ала отыра құрып, перспективалы саяси және әлеуметтік-экономикалық мақсаттарына кезеңді ілгерілеуі тиіс. Атап өтетіні, қайшылықтар мен өткір ғаламдық бәсекелестікке қаныққан мына әлемде ең алдымен, елдің көркеюі мен қоғамның дамуына үнемі күш салу арқылы тәуелсіздігіміз бен ұлттық мемлекеттілігімізді нығайтуымыз керек. Әр мемлекетте лайықты, отаншыл, білімді және саналы балалар бар. Басқаша айтсақ, отанымыз бен ұлтымыздың бүгіні мен ертеңі өз жеріміздің саналы, қырағы, зерек ұлдарымыздың қолында. Осыған байланысты, біз барлығымыз мықты еркімізбен өз жұмақ мекенімізді қалыпқа келтіріп көркейтуді, халыққа лайық өмір деңгейін қалыптастыруды, өркениетті адам қоғамымен бірге жүруді қамтамасыз етуіміз керек. Қамқор және әсемдікке құмар халық, ежелгі және мәдениетті қазақ ұлты гүлденіп келе жатқан болашағы мен бабалар жерінің көркеюі үшін жақсы да жайлы жағдайлар жасауы арқылы үлкен жемісті жұмыс жасай алатынына мен нық сенімдімін. Осы жылы ел халқы өзінің үлкен тарихи күндері – тәуелсіздіктің 20 жылдығы, Мұқағали Мақатаевтің 80 жылдық мерейтойы, Абылай ханның 150 жылдығын атап өтпек. Қазақстан халқының ыстық отаншылдық сезімінің, ұлттық бірлігінің, санасы мен танымының дамып, нығаюына және бабалар жерінің көркеюіне осы ұлы мерекелердің әсер ететініне күмән жоқ. Әлемдегі өзгергіш жағдайларда әрбір сергек, намысшыл қазақтың басты мақсаты – ұлттық және саяси қырағылықты, жоғары отаншылдық сезімді және ұлттық бірлікті насихаттау. Тек осылай ғана және күнделікті, адал, жанкешті еңбегіміз арқылы үлкен күш ретінде қоғамдағы проблемаларды жоя аламыз, Отанымызды көркейтуге адал ниетіміз бен жоспарларымызды іске асыра аламыз, таза арымызбен тәуелсіз еліміздің әлеуметтік-экономикалық сферасын дамытамыз, болашақта Қазақстанның жаңа деңгейі мен халықтың сапалы өміріне қол жеткіземіз. Жауапты, қиын, аса лайықты бұл жол қарапайым азаматтан бастап жоғары мемлекеттік тұлғаларға дейін, яғни, барлық намысшыл және отаншыл Қазақстан халқынан, Қазақстан тәуелсіздігінің беріктігі, мәңгілігі үшін,қазақ мемлекетінің негізінің нығаюына, ұлттық және мемлекеттік мүдделердің қорғалуына, Отанымыздың бейнесі мен мәртебесінің жоғарылауына күнделікті күш салуды талап етеді. Бабалар отанына деген, қазақтың тамаша жеріне деген адал махаббат, Абай мен Мағжанның сырға толы тілін ұрпақтың ардақ тұтуы және өткен күн мен бүгіннің арасындағы үздіксіз байланыс – жарқын болашаққа және жаңа табыстарға жетелейтін бастаушы жұлдыз болып табылады. Мемлекеттік тәуелсіздік, Тіл, Ана, Отан, мәдениет және ежелгі тарих – ұлтты бірлікке, ауызбіршілік пен ынтымақтастыққа бастайтын түйіндер. Сондықтан да олар біз үшін адами және рухани асылдар болып саналады. Қазақ әдебиетінің классигі Абайдың өлмес поэзия тілі біздің жарқын болашаққа жол бастасын! Сүйікті Қазақстанымыз мемлекеттілігінің дамыған жүйесімен және өзіндік ұлттық бейнесімен дамыған мемлекеттер қатарына қосылсын! Тәуелсіздікпен, бейбітшілікпен және бірлікпен байланысқан жемісті мақсаттарымыз, күшіміз, биік үміттеріміз бізді жақсы болашаққа, тыныш та лайықты өмірге бастасын! Қиын да айтулы осы жолда сіздерге және барлық Қазақстан халқына рух тұрақтылығын, сарқылмас қуат және барлық істе табыстар тілеймін! Назарларыңызға алғыс білдіремін!

ANA TILI №43

22 Қазан, 2020

Жүктеу (PDF)

Редактор блогы

Жанарбек Әшімжан

Бас редактор