- Мәдениет
- 02 Маусым, 2016
Моншақпен өрілген өрнек
Ембі қаласындағы ағайынды Жұбановтардың мемориалдық музейінде Тәуелсіздіктің 25 жылдық мерекесіне арналып Қандыағаш қаласының қолөнер шебері Жанат Тажикенованың туындыларынан «Моншақпен өрілген өрнек» атты көрме өтті.
Көрменің ашылуында Ж.Саудақызының өмірі мен еңбектері таныстырылып, қолөнер иесі шеберлік сағатын өткізді. Көрмеге қала мектептерінің оқушылары мен ұстаздары, қала тұрғындары қатысып, көздің жауын алған моншақтан жасалған бұйымдарды тамашалады. Көз тартар мол дүние көрермендердің таңданысын, қызығушылығын арттырса, Жанат Саудақызы моншақпен жұмыс жасаудың қыр-сырымен бөлісіп әңгіме өрбітті. Шара соңында музей ұжымы Жанат Тажикенованың өнерінің өрнектелуіне шын жүректен тілек білдіріп, алғыс хат табыстады.
Анархан Самиғұллақызы, Музей қор сақтаушысы Ақтөбе облысы
2002 рет
көрсетілді0
пікір