• Тұлға
• 22 Желтоқсан, 2016

Өнердегі өрнекті із

М.Әуезов атындағы Қазақ мем­лекеттік академиялық драма театрында КСРО халық артистері, ҚазКСР Мемлекеттік сыйлықтарының лауреат­тары, актер Ыдырыс Ноғайбаевтың 85 жылдығы мен актриса Фарида Шәріпованың 80 жылдық мерейтойы­на орай еске алу кеші өтті. Кешке әйгілі актерлердің көрермендері, өмірде дос, сахнада серіктес болған аға буын ­актерлар, театр ұжымы, журналистер қатысты. Кеште Қазақстанның халық артистері Асанәлі Әшімов, Сәбит Оразбаев, Нүкетай Мышбаева, Есмұқан Обаев, Роза Әшірбековалар естеліктер айтып, көрермен көңілінде атақты актерлардың бейнесін қайта тірілткендей болды.