- Әдебиет
- 02 Ақпан, 2017
Үстірт хикаялары
Жуырда С.Бәйішев атындағы облыстық әмбебап ғылыми кітапханада Қазақстан Жазушылар одағының мүшесі, Мәдениет саласының үздігі, «Балауса», «Оралу», «Аңсау», «Табиғат пен жүрек», «Майдан мен тыл» атты кітаптардың авторы Жақсылық Айжанұлы мен ҚР білім беру ісінің құрметті қызметкері, тарихшы Шәріп Адаев бірлесіп шығарған «Үстірт хикаялары немесе тектілер тірлігі» атты танымдық кітаптың тұсаукесері өтті.
Жиында Ақтөбе облыстық кәсіподақтар кеңесінің төрағасы, шежіреші Түрікпенбай Жұбанұлы кітаптың болашақ ұрпаққа өте қажет екеніне тоқталып, авторларға алғысын білдірді. Туындыға тарихшы маман ретінде редакторлық жасаған Қ.Жұбанов атындағы Ақтөбе өңірлік мемлекеттік университетінің тарих және тарихты оқыту кафедрасының аға оқытушысы Айшуақ Дәрменұлы ұлан-ғайыр жерімізді ақ білектің күшімен, ақ найзаның ұшымен қорғап қалған батыр бабаларымыздың ерлігі туралы баян етті. Өңірдің шежіресін жақсы білетін ел ағалары Байғанин ауданының Құрметті азаматы Мұхамбет Молдағазин, өлкетанушы Бақберген Қарақов, Баянғали Құлтаевтар кітаптың шынайы жазылғанын атап өтті. Өнер иесі Жетес Жәкімсал Сәрке батыр туралы жырды орындап, кештің соңы мәдениет саласының үздігі, ақын, сазгер Орал Байсенгірдің «Байғанин маршы» әнімен аяқталды.
Талғат ТІЛЕУЛЕСОВ, кітапхана қызметкері
АҚТӨБЕ
2632 рет
көрсетілді0
пікір