- Руханият
- 15 Ақпан, 2017
Әдеби жоба жаңаланды
Астанада Назарбаев университетінің конференц-залында «Әдебиет порталы» интернет-жобасы жаңа нұсқасының таныстырылымы өтті. Кеште белгілі қоғам қайраткерлері, ақын-жазушылар, зиялы қауым өкілдері сөз алып, өздерінің ұсыныс-тілектерін білдірді.
ҚР Ақпарат және коммуникациялар министрі Дәурен Абаев технологияның дамыған заманында әдеби порталдың мүмкіндіктері көп екендігіне тоқталып, елдің руханиятын, әдебиетін, мәдениетін дамытуға үлес қосатын мұндай порталдарға мемлекет тарапынан қолдау көрсетілетінін жеткізсе, қоғам қайраткері Мырзатай Жолдасбеков елорданың өсіп-өркендеуімен бірге Астанада да әдеби орта қалыптасқандығын, шығармашылық адамдарына сенім арта отырып, қазіргі заманда әдебиетке де қорғаушы қажеттігін тілге тиек етіп, «Әдебиет порталы» осы құндылықтарымызды, әдебиетіміздің асыл мұраларын насихаттаса деген ойын білдірді. Ақпарат және коммуникациялар министрлігіне қарасты «Қазконтент» АҚ «Әдебиет порталы» – заманауи ақпараттық технологиялар жетістігін пайдаланып, қазақ әдебиетін насихаттау, оқырмандармен байланысты жақсарту, әртүрлі шығармашылық іс-шараларды жүзеге асыру мақсатында жұмыс жасап келе жатқан Орталық Азиядағы тұңғыш ғаламторлық әдеби жоба. Ендігі мақсат – отандық рухани өнімдердің цифрлы форматтағы базасын құрып, қаламгерлердің шығармашылығын насихаттау. Порталда елімізбен қатар, шетелдік ақын-жазушылардың да шығармалары жарияланбақ.
Бағдагүл МҰРАТҚЫЗЫ
3563 рет
көрсетілді3
пікір