- Қоғам
- 17 Сәуір, 2019
Ата-анаға құрмет – мерейлі міндет
Алматы облысы Алакөл ауданының мешіт жамағаттары «Ата-анаға құрмет – асыл міндет» акциясын бастап, игілікті шараның ұйымдастырылуына ұйытқы болды.
Үшарал қаласындағы аудандық орталық мешітте шымылдығы түрілген шарада Алла үйіне үзбей қатынап жүрген иманды азаматтар бірігіп, әке-шешелерін руханият ордасына жиды. Ата-ана мен баланың арасындағы қарым қатынас пен құрмет жайында айтылған уағыздан кейін арнайы дайындалған сыйлықтарын әке-шешелеріне табыстаған мешіт жамағаттарының көздерінен еріксіз тамшылаған жастан іңкәр махаббат пен риясыз сезімді аңғарғандай болдық. Жүрек түкпірінен ақтарылған ізгі ниет пен тілектерден кейін ақ дастарқанда бас қосылып, дуалы ауыз ақсақалдар мен әз әжелердің батасы тыңдалды.
Айдана Смағұлова
409 рет
көрсетілді0
пікір