- Руханият
- 08 Тамыз, 2019
Қайырымдылық – жүректен
«Nur Otan» партиясы Алматы облыстық филиалының ұйымдастыруымен «Баланы мектепке даярлайық!» атты республикалық қайырымдылық акциясы өңірдің барлық партия филиалдарында бастау алды.
Акция мақсаты – «Nur Otan» партиясының «Бақуатты қоғам: онжылдықтың 10 мақсаты» атты бағдарламасын жүзеге асыру, мектепке келуге мүмкіндігі жоқ аз қамтамасыз етілген және көп балалы отбасынан шыққан оқушыларға, жетім балаларға қамқорлық көрсетіп, мұқтаж отбасылардың балаларын мектепке дайындауда көмек көрсету және оларға толықтай білім алуға жағдай жасау. Облыстық Дін істері басқармасының ұжымы акцияға қолдау көрсеткен алғашқылардың бірі. Осыған орай, басқарма басшысының міндетін уақытша орындаушы Б.Ниет Талдықорған қаласының тұрғыны, көп балалы жалғызбасты ананың баласы Жайнақбаев Ерлан Арманұлына қайырымдылық көмек көрсетіп, мектепке қажетті керек-жарақтарды (оқу құрал-жабдықтары, жылы киім-кешек) табыс етті. Аталмыш акция әрі қарай да жалғасын тауып, облысымыздағы барлық бала қайырымды жандардың назарынан тыс қалмайтынына сенімдіміз.
Айнұр Досжанқызы, Алматы облыстық дін істері басқармасының баспасөз хатшысы
746 рет
көрсетілді0
пікір