• Мәдениет
  • 28 Тамыз, 2019

Мұражай мерейі

Рухани жаңғыру – адам баласының оның ішкі әлемінің жаңаруы, сана-сезімі, жаңа өзгерісті қабылдай білуі. Рухани жаңғыруды өркениеттің өрлеуімен байланыс­тырамыз. Тарих тереңіне көз жүгіртсек, өскен ұлттың өркендей түсуіне осы рухани жаңғыру дәлел. Бүгінгі жаһандану заманында еліміздің тарихы мен өткенін халыққа танытып, тәуелсіздігімізді тұғырлы ету жолындағы жоспарлар мен істерді ел ішіне жеткізу маңызды да жауапты міндеттің бірі болып отыр. Осы орайда халқымыздың ғасырлардан тамыр тартатын өткенін, яғни тарихын халық арасына, кейінгі ұрпаққа жеткізуде музейлердің маңызы зор. ­Музей – ғылыми, мәдени-тарихи орталық. ­Музейлер – бірнеше дәуірдің тарихын, этнографиясын, тарихи тұлғаларын, өнерін жинақы түрде ұрпақтан-ұрпаққа жалғап отыратын институт. Сонымен қатар ол жинақталған мұраны ғылыми түрде зерттеп, зерделеп, халықтың тарихын, мәдениетін, салт-дәстүрін ­насихаттап отырады. «Болашаққа бағдар: рухани жаңғыру» бағдарламасы аясында біздің музей қызметкерлері көптеген іс-шаралар өткізіп, жан-жақты қамту үстінде. «Мәңгілік ел» болуға қадам басқан тәуелсіз Қазақстанның Тұңғыш Президенті Н.Назарбаев «Терең білім – тәуелсіздігіміздің тірегі» дей келе, жаһандану алдында ұлт ретінде жойы­лып кетпеуі үшін әрбір жас ұлттық кодын сақтап, терең білімді бәсекеге қабілетті, ұлттық құндылықтарын бойына­ сіңірген ақыл-ойы кемел тұлға болуына маңыз береді. Білімді, көзі ашық, көкірегі ояу болуға ұмтылатын жастарды тәрбиелеу – біздің асыл ­борышымыз. А.Сәдуақасова, Сүйінбай Аронұлы әдеби-мемориалды музейінің меңгерушісі Алматы облысы

301 рет

көрсетілді

0

пікір
Алдыңғы мақала Елордадағы «Славян базары»
Келесі мақала «Өмір белестері»

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

ANA TILI №2

14 Қаңтар, 2021

Жүктеу (PDF)

Редактор блогы

Жанарбек Әшімжан

Бас редактор