- Ақпарат
- 18 Қыркүйек, 2019
«Сырлы әлем» жаңғырығы
Маңғыстау облысы Мұнайлы аудандық Қызылтөбе ауылдық округінің мәдениет үйінде «Сырлы әлем» атты мүмкіндігі шектеулі жандар арасында байқау өтті.
Байқау Қазақстан Республикасының тұңғыш Президенті Н.Назарбаевтың «Болашаққа бағдар: рухани жаңғыру» мақаласын насихаттау, Жастар жылын атап өту, мүмкіндігі шектеулі балалар мен жастардың өнерін насихаттау, қолдау білдіруді мақсат еткен. Байқауға барлығы 35 өнерпаз қатысты. Оның ішінде алты өнерпаз – ән жанры бойынша, алтауы – көркем сөз оқудан, 23-і қолөнер бойынша сайысқа түсті. Барлық өнерпаздар Мұнайлы ауданы әкімінің орынбасары, аудан әкімі жанындағы әйелдер істері және отбасылық-демографиялық саясат жөніндегі комиссия төрағасы Б.Біләловтың Алғыс хатымен марапатталып, арнайы сыйлыққа ие болды. Сонымен қатар «Asia Damu Invest Capital» жауапкершілігі шектеулі серіктестігінің демеушілігімен «Ақтау» ойын-сауық орталығына жолдама берілді. Балалар мен жастарға қуаныш сыйлап, қолдау көрсеткен Мұнайлы ауданы әкімдігі мен «Asia Damu Invest Capital» жауапкершілігі шектеулі серіктестігінің директоры Айнұр Қасымоваға алғыс білдіреміз. Айта кетейік, Мұнайлы ауданында 3900 мүгедек бар, оның ішінде 18 жасқа дейінгі балалар мен жастардың жалпы саны – 1143 адам. Көпшілік мүмкіндігі шектеулі жандардың өздерін көрсетуге, қоғамның толық мүшесі екенін сезінуге мүмкіндік беретін осындай шаралар жиі ұйымдастырылып тұрса деп тарқасты. Жүздерінде бал-бұл жайнаған қуаныштың белгісі бар байқау қатысушылары шара соңында естелік суретке түсіп, өзара қуанышын бөлісті.
Күмісай ЕРКІНБАЕВА
1469 рет
көрсетілді0
пікір