• Ақпарат
• 06 Қараша, 2019

Қартаймауға бола ма?

Организмді оның тіршілігіне қажетті барлық заттармен қамтамасыз етіп отырса, адам 300-400, тіпті 1000 жыл өмір сүруі мүмкін. Бұл пікірді көптеген табиғат зерт­теу­шілер, ұзақ өмір сүру мәселелерімен шұғылданатын оқымыстылар қолдауда. Мәселен, ағылшын философы Роджер Бэкон адамның қалыпты өмір сүру ұзақ­тығы – 1000 жас деп есептейді. Мұнда табиғаттан тыс ғажайып ештеңе жоқ. Адам организмі протоплазмадан тұрады. Ғалымдар протоплазмада қартаюға немесе жаңартуға қатысты ешнәрсе жоқ деп пайымдайды. Л.Вудруф, Р.Эрдман және басқа да ғалымдар 17 жыл бойы зерттеу жұмыстарын жүргізе отырып, 1928 жылы птороплазманың 8000 ұрпағын тіркеген және олардың өзгеріске ұшырамауы былай тұрсын, мүлде ауытқу белгілері де байқалмаған.