• Мәдениет
  • 22 Қаңтар, 2020

Алтын Орда және Қазақ мемлекеті

Алматы қаласындағы №4 кітапханада Алтын Орданың құрылғанына 750 жыл толуына арналған «Алтын Орда – қазақ мемлекетінің ­алтын бесігі» атты тарихи-танымдық кеш өтті. Кеш барысында экраннан ­арнайы дайындалған «Алтын Орда – 750 жыл» атты слайд-презентация, «Қазақ хандығы – Алтын Орда мұрагері» атты деректі фильм көрсетіліп, ­«Алтын Орда – қазақ мемлекетінің бастауы» атты дәстүрлі кітап көрмесі ұйымдастырылды. 

Кешке «Өнер» баспасының ­директоры Ә.Көпішев, «Ақиқат» журналының бас редакторы А.Әлімұлы, Ш.Уәлиханов атындағы Тарих және этнология инс­ти­тутының бас ғылыми қызметкері, тарих ­ғы­лы­мының докторы А.Кәрімұлы, қаламгер-журналист М.Құлкенов, Ш.Уәлиханов атындағы Тарих және этнология институтының аға ғылыми қызметкері, PhD докторант­ А.Дүйсенбайқызы, М.Әуезов атын­дағы Әдебиет және өнер инсти­тутының жетекші ғылыми қызметкері, филология ғылымының кандидаты Т.Еділбайұлы арнайы қонақ ретінде шақырылды. Алматы полиграфия колледжінің, Алматы қаржы-құқықтық және технологиялық колледжінің сту­денттері мен ұстаздары, А.Жұбанов атындағы дарынды балаларға арналған музыка мектебінің оқушылары мен ұстаздары, №67 жалпы білім беретін орта мектептің оқушылары мен ұстаз­дары қатысқан кеште қонақтар мен оқыр­ман Алтын Орда дәуіріндегі қазақ елінің айбынды ғұмырнама ­тарихы, салт-дәстүрі, Ұлы даланың ұлы тұлғалары мен Алтын Орданың бүгінгі мұрагері Мәңгілік қазақ елі ­ту­ралы ой бөлісіп, рухани азық ­сыйлады. Кеш соңында А.Жұбанов атын­дағы дарынды балаларға арналған музыка­ мектебінің өнерпаздары Әрсен Тұрсын «Ақсақ құлан» күйін, Құндыз Серікова «Ақ бұлақ» әнін, Найла Досан мен Әзиза Маханбетжанова «Туған жер» әнін тарту етіп, көпшіліктің көзайымына айналды.

Аяулым Жидебаева

151 рет

көрсетілді

0

пікір
Алдыңғы мақала Кітапханадағы игі істер
Келесі мақала Сиқырлы цирк тарихы

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

ANA TILI №48

26 Қараша, 2025

Жүктеу (PDF)

Редактор блогы

Жанарбек Әшімжан

Бас редактор