• Мәдениет
  • 20 Ақпан, 2020

Атырау төріндегі әсерлі кеш

Махамбет атындағы академиялық қазақ драма театрында облыс әкімді­гінің қолдауымен «Дарын» жастар мемлекеттік сыйлығының лауреаты, «Қазақтың Моцарты» атанған Рахат-Би ­­Әбдісағин­нің «ZYMYRAN ZAMAN» атты симфониялық музыкалық кеші өтті. 

Ол – композитор және пианист, өнертану ғылымының магистрі, 100-ден астам классикалық музыкалық туындылардың, сондай-ақ екі опера­ның авторы. Концерттің шымылдығы кеш иесінің «Жыл құсының зары» атты фортепианоға арналған шығар­масымен ашылды. Әйгілі қаламгер Ш.Айтматовтың аттас әңгімесінің желісіне құрылған бұл туындыға, бүгінгі өмірдің ең өзекті мәселесі арқау болған. Кеш барысында ком­позитордың шығармаларын Қазақ ұлттық өнер университетінің Еуразия­лық студенттік симфониялық ор­кестрі және халықаралық кон­курс­тар­­дың лауреаты Жібек Мусургалиева скрипкамен, «Солистер ­Академиясы» мемлекеттік оркестрінің артисі Бақытжан Жантұрғанов виолончельде ойнады. Залға лық толған көрерменнің ыстық ықыласпен соғылған ду қол шапалақтарынан кештің әсерлі өткенін аңғаруға болады. Кешке қатысқан облыс әкімінің орынбасары Серік ­Шапкенов: ­«Жү­ректі елжіретер туындылардан ерекше әсер алдық» десе, зейнеткер Тоқ­санбай Сахимов: ­«Теледидардан көріп өнеріне тамсанып жүрмін. Атырауға келеді дегеннен бастап шығармашылық кешке қатысуға асықтым. Осындай бақыттың бұйырғанына қуаныш­тымын. Зал көрерменге толы ­болды. Кеш өте жоғары деңгейде өтті. ­Елі­міздің ­абыройын асырып, әлемге даңқын паш етіп жүрген бозбалаға шығармашылық табыс тілеймін» деді қуанышты жүзін жасыра алмай.

Гүләлия ИГІЛІКОВА

1046 рет

көрсетілді

0

пікір
Алдыңғы мақала «АРҒЫ АТАМДЫ СҰРАСАҢ, АБАЙ, ЖАМБЫЛ...»
Келесі мақала ӘЙЕЛ ӘЛЕМІ ӘДЕМІ

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

ANA TILI №2

14 Қаңтар, 2021

Жүктеу (PDF)

Редактор блогы

Жанарбек Әшімжан

Бас редактор