- Мәдениет
- 07 Қазан, 2020
«Абай әлемі» байқауының жеңімпаздары анықталды
Қазақтың ұлы ақыны Абай Құнанбаевтың 175 жылдық мерейтойына арналған студенттер мен магистранттар арасында ұйымдастырылған «Абай әлемі» үздік ғылыми жұмыс байқауының қорытындысы жарияланды. Аталған байқауды Нұрсұлтан Назарбаев Қоры мен Мемлекеттік тілді дамыту қоры ұйымдастырған.
Қазылар алқасы 100-ден астам ғылыми жұмысты іріктеп алған. «Байқауды ұйымдастыру арқылы қазақтың ұлы ойшылы Абайдың мұрасын насихаттауға, дарынды жас ғалымдарды анықтауға және қолдауға, олардың жұмысын насихаттауға көмек көрсетеміз» деді Н.Назарбаев Қорының атқарушы директорының орынбасары Әлкей Марғұлан.
Студенттер арасында байқау жеңімпазы әл-Фараби атындағы ҚазҰУ-дың ІІ курс студенті Әзімбек Қойлыбай болса, екінші орын Еуразия гуманитарлық институтының IV курс студенті Атабай Қуанышов пен Е.А.Бөкетов атындағы Қарағанды мемлекеттік университетінің ІІ курс студенті Ғазизов Нұрайға бұйырды. Ал үшінші орынға Ш.Уәлиханов атындағы Көкшетау мемлекеттік университетінің IV курс студенті Назгүл Айсенова, Е.А.Бөкетов атындағы Қарағанды мемлекеттік университетінің ІІІ курс студенті Гүлсімай Сайрамбек, Назарбаев Университетінің ІІ курс студенті Мөлдір Бижанова ие болды.
Магистранттар арасында Ш.Есенов атындағы Каспий мемлекеттік технологиялар және инжиниринг университетінің І курс магистранты Мұстафа Шохаев жеңімпаз атанды. Әл-Фараби атындағы ҚазҰУ-дың ІІ курс магистранты Абай Мырзағали мен Құрманғазы атындағы Қазақ ұлттық консерваториясының ІІ курс магистранты Шерхан Мұхамбетжанов екінші орынға, «Тұран-Астана» университетінің І курс магистранты Қалиакбар Үсемханға, І.Жансүгіров атындағы Жетісу мемлекеттік университетінің ІІ курс магистранты Ақбота Қажыбекова мен І курс магистранты Зейнегүл Жұмабекова үшінші орынға ие болды.
И.СӘТІМ
1469 рет
көрсетілді21
пікір