• Қоғам
  • 15 Қазан, 2020

Әр адамға қамқорлық маңызды

Заир Юлдашев, Жамбыл облысы бойынша
«Азаматтық Альянс» қауымдастығы заңды
тұлғалар бірлестігінің төрағасы

Мемлекет басшысы Қ.Тоқаев «Жаңа жағдайдағы Қа­зақстан: іс-қимыл кезеңі» атты халыққа арнаған Жолдауында елдің даму стратегиясына жан-жақты әрі толыққанды тоқталды.
Мемлекеттік басқару жүйесінің тиімділігін арттыруға, өнеркәсіпті, ауылшаруашылығын, шағын және орта бизнесті, қаржы секторын, денсаулық сақтау жүйесін дамыту арқылы аймақ­тардың өндірістік әлеуетін көтеруге бағытталған реформалар туралы жа­риялады. Мұның барлығы, басты мақсатқа – еліміздің өркендеуіне және қазақстандықтардың әлеуметтік ­әл-ауқатының жақсаруына қызмет етуі тиіс екеніне баса назар аударды.
Мен үшін Жолдаудың ұтымды тұсы – бұған дейін айтылып келе жатқан сыбайлас жемқорлықты жеңу немесе әл-ауқатты жақсарту секілді міндеттер емес, мемлекеттік билікке жаңа көзқарас. Мұнда «мемлекеттік қызметтің тапсырыс берушісі кім?» деген нақты сауал тұр. ­Жолдауда мемлекеттік қызметтің ­тапсырыс берушісі – адамдар екені анық жазылған, яғни олар мемлекеттік қыз­меттің тұтынушылары. Енді қараңыз, мемлекет халық үшін бе, әлде халық мемлекет үшін бе? Мәселе осы жерден басталатынын бәрі түсінуі керек.
Меніңше, Президенттің Жол­дауында осы сауалға толық ­жауап бе­рілген. Бүкіл әлем зардабын ­шеккен пандемиядан кейін бұрынғы жай­саң өмір қалпына келмесі анық. Сондық­тан қорқынышқа бой ­алдырмай, мемлекеттік құрылымдармен бірлесе отырып, «бір жағадан бас, бір жеңнен қол» шығарып, жұмыла жұмыс істеуіміз керек.
Нақты адамға қамқорлық туралы Президент орынды айтты. Бұл құқық қорғау органдарын реформалауға, тәрбиеге, адам құқығын, ­балаларды қорғауға демографиялық проб­­ле­маларға, экологияға қатысты. Ме­­ніңше, көптеген қазақстандықтар өз­дерінің әлсіз тұстарын таба отырып, одан әрі қалай қарай жылжу керектігін түсінеді деп ойлаймын. Ендігі маңыз­дысы, алға қойған міндеттерді ой­­дағыдай жүзеге асыру.

36 рет

көрсетілді

0

пікір
Алдыңғы мақала ЖАҚЫНЫҢДЫ ҚАНШАЛЫҚТЫ ЖАҚСЫ КӨРСЕҢ, СОНШАЛЫҚТЫ ОДАН АЛШАҚ БОЛ
Келесі мақала ЕЛ БІРЛІГІ – БАРЛЫҚ ТАБЫСТЫҢ КІЛТІ

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

ANA TILI №43

22 Қазан, 2020

Жүктеу (PDF)

Редактор блогы

Жанарбек Әшімжан

Бас редактор