• Қоғам
• 07 Қаңтар, 2021

БАСПАНА КІЛТІ ТАБЫСТАЛДЫ

Қызылордалық 80 отбасы жаңа ­жылды жаңа баспанада қарсы. Облыс әкімі Гүлшара Әбдіқалықова мен шаһар ­басшысы Нұрлыбек Нәлібаев Жаңа жыл мерекесі қарсаңында Сырдария өзенінің сол жағалауында орналасқан 40 пәтерлі екі үйдің кілтін тұрғындарға табыстады.

Салтанатты шара барысында аймақ басшысы пәтер иелерін Жаңа жыл мерекесімен және жаңа қоныстарымен құттықтап, құрылыс қарқынын, қаланың саладағы жетістіктеріне тоқталып, жыл басынан бері қаламызда 1500-ге жуық тұрғын баспаналы болғандығын және 1 мың 741 пәтерлік 38 көпқабатты тұрғын үйдің құрылысы жүргізіліп жатқанын жеткізді.
Алдағы жылы Сырдария өзенінің сол жағалауында құрылысы жүргізіліп жатқан 725 пәтерлік 15 көп қабатты тұрғын үй мен СПМК-70 тұрғын ауданындағы 13 үй пайдалануға берілмек.
Мереке қарсаңында қуанышы еселенген жанның бірі – Батырбек Сыздықов. «Жыл ­ая­ғында мен үшін қос мереке қатар келіп, үлкен қуанышқа кенеліп отырмын. Жаңа жылды жанұямызбен жаңа баспанада қарсы ­алатыныма ерекше қуаныштымын» деген, ҚР ҰҚК ­Шекара қыметінің Қызылорда облысы ­бойынша департаментінің қызметкері өңір ­басшысы мен құрылысшыларға өз алғысын білдіріп, мемлекеттік бағдарламалардың тиімділігін атап өтті.
Шара соңында мемлекет және қоғам қайраткері, Қызылорда қаласының Құрметті азаматы Бекмырза Еламанов қоныс той иелерін құттықтап, ақ батасын берді.

Шерхан МОЛДАХМЕТ