• Руханият
• 18 Ақпан, 2021

Жақсы сөз, жақсы тілек айтумен өтті

Біз, Кеңшілік, Жұматай, Жарас­қан, Шөмішбай және басқаларымыз үзеңгі қағыстырып әдебиетке қатар келіп едік. Міне, бүгін Шөмішбайдан да айырылып қалып отырмыз.

Ол ақкөңіл, емен-жарқын азамат еді. Кездескен сайын мәртебеңді биіктетіп, көңіліңді көтеріп сөйлеуге құштар болатын. Өз басым оның біреуге ренжіп тұрғанын көрген емеспін. Жақсы сөз, жақсы тілек айтумен өтті. Шөмішбай, әсіресе ән мәтінін жазудың шебері болды. Композиторлар да оның мәтінін қалап тұратын.

Енді мен Шөмішбайдың екінші рухани ғұмырына жұрт ­аузынан түспейтін әндердей ұзақ өмір тілеймін. Қош, жаны дарқан Шөмішбай ақын!

Темірхан Медетбек