• Ақпарат
• 22 Қаңтар, 2009

Дағдарыс дал қылды

Әлемдік қаржылық дағдарыс қазақстандықтардың әлеуметтік жағдайларына ғана емес, денсаулықтарына да айтарлықтай әсер етуде екен. Соңғы жылдары Қазақстанда жүйкесі сыр бергендердің қарасы екі есеге артқан көрінеді. Статистикалық агенттіктің мәліметіне жүгінсек, жындыханаларда 300 мыңға жуық адам тіркеуде тұр. Тәуелсіз сарапшылардың келтірген дерегі бойынша, елімізде 2,5 миллион адамды белгісіз үрей билеп, жүйке жүйесі ауруға шалдыққан. Психиатрлар бұған басты себеп – жұмыссыздық деп жатыр. Әсіресе, соңғы жылдары «жын ауруына» ұшырағандардың көбі жүргізушілер, шахтерлер, мұғалімдер, құрылысшылар мен қаржыгерлер екен.