• Қоғам
• 22 Қаңтар, 2009

Азамат деген атқа лайық

Павлодарлық Ардақ Аталықов «Ерлігі үшін» медалімен марапатталды. Қорғаныс істері жөніндегі департаменттің бастығы Асаин Алдажаров жас батырға мемлекеттік награданы тапсырып тұрып оған ерлігі мен азаматтық іс-әрекеті үшін алғыс білдірді. Әскери қызметін атқарып жүрген өткен көктемде суға батып бара жатқан баланы құтқарып қалған Ардақ алғашқы медициналық көмек көрсетіп, жасанды тыныс беру амалдарын да жасаған. Ай мен күннің аманында қарсы келген ажалдан аман алып қалған Ардақтай азаматтар жасай берсін дейміз.