• Мәдениет
  • 10 Ақпан, 2009

«Атажұрт» туындылары

  Өткен аптада Дүниежүзі қазақтарының қауымдастығы үйінде  «Атажұрт» баспа орталығынан жарық көрген кітаптардың тұсаукесері өтті.

   Бұл шарада 2008 жылы шыққан Асқар Татанайұлының « Ел қорғаны-Абылай», Мағаз Разданұлының « Алтайдың ақиықтары», Жақсылық Сәмитұлының «Атамекен», Талғат  Мамашевтың «Алыстағы ағайын», Қуанған Жұмаханұлының «Құстар қайтып барады», Ырсалды Төкееваның

 «Ой толқыны», ұжымдық жинақтардан Жәди Шәкенұлы құрастырған

«Толғауы тоқсан қызыл тіл», « Армысың атамекен» кітаптарының тұсауы кесілді.  Жиында Дүниежүзі қазақтары қауымдастығының жауапты қызметкерлері, ақын-жазушылар, қоғамдық ұйымдардың, Өзбекстан, Моңғолия, Ресей, Түркия, Қытай, Еуропа елдерінде тұратын қазақ диаспорасының, бұқаралық ақпарат құралдарының өкілдері, сондай –ақ кітапханашылар қатысты. Сонымен қатар кітаптар Алматы мен Астана қаласындағы  Ұлттық кітапханаларға, мектеп және жоғары оқу орындарындағы кітапханаларға тегін таратылды. Жалпы мұндай жиын осымен бесінші жыл өткізіліп отыр.  Дүниежүзі қазақтары қауымдастығының ұйымдастыру бөлімінің меңгерушісі Ботагөз Уатқан былай дейді: « Біздің қауымдастыққа қарайтын «Атажұрт» баспасында  жылына жүзден астам баспа табақ кітап шығады. Бұл кітаптардың барлығы шетелде тұрып жатқан қазақтардың шығармалары. Біз негізінен басқа елдерде өмір сүріп жатқан қандас бауырластарымыздың шығармаларын насихаттаймыз. Әлемнің 32 елінде қауымдастықтың мәдени орталықтары бар.  Қазақтар көп шоғырланған Қытай, Ресей, Моңғолия, Тәжікстан, Қырғызстан  мемлекеттерінде тұратын авторлардың әдеби және тарихи шығармалары қолжазба түрінде келеді.  Арасында төте жазумен, кириллицамен жазылған туындылар да бар. Біз соны өңдеп, кітап ретінде шығарамыз.  Жалпы осы бес жылдың ішінде 500  баспа табаққа жуық кітап жарық көрді. Сонымен қатар шетелдегі қазақтарға арнап қазақ тілін үйрету мақсатында  электронды оқу құралдарын, сити- дискілерді, сөздік кітаптарды шығардық.  Жыл сайын Президенттің жолдауын моңғол, түрік тілдеріне, төте жазуға аударып, шалғайдағы қазақтарға таратамыз». Дүниежүзі қазақтары қауымдастығы төрағасының орынбасары Т. Мамашевтың айтуынша,  осы уақытқа дейін екі айда бір рет шыққан «Алтын бесік» журналы айына бір рет, жылына екі рет шығатын «Туған тіл» алманағы тоқсанына бір рет жарық көретін болады. Мұнымен қоса, жақында « Өзбекстандағы қазақтар диаспорасы»,  «Қытайдағы қазақтар диаспорасы», « Ресейдегі қазақтар диаспорасы» атты монографиялар  оқырман қауымға жол тартады.

3425 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ANA TILI №21

30 Мамыр, 2024

Жүктеу (PDF)

Нұркен Әшіров, Құрманғазы атындағы Қазақ ұлттық консерваториясының ректоры: Ұлттық құндылық ұтымды әрекеттен қалыптасады

  • 04 Сәуір, 2024
  • 13464

Сәбит ШІЛДЕБАЙ, тарихшы, Орталық мемлекеттік архив директоры: Архив ұлттық қауіпсіздігіміз үшін қажет

  • 11 Сәуір, 2024
  • 7802

Әли БЕКТАЛИЕВ, Алматы хореографиялық училищесінің ұстазы: ШАРТ ҚОЙМАЙ, ШАБЫТ СЫЙЛАЙМЫЗ

  • 11 Сәуір, 2024
  • 7432

Бақытжан Сатершинов, дінтанушы: ЗАҢДЫ БІЛГЕН ЗАМАНДЫ ДА БІЛЕДІ

  • 11 Сәуір, 2024
  • 6810

Елнұр Бейсенбаев, Мәжіліс депутаты: Әділетті қоғам құру – парызымыз

  • 11 Сәуір, 2024
  • 6759

Еділхан ӘМІРҒАЛИЕВ, техника ғылымының докторы, профессор: Технологиялық өркениет заманы басталды

  • 18 Сәуір, 2024
  • 6546

Алишер Сатвалдиев, Парламент Сенатының депутаты: Алпыс күн тасыған дария, алты күннен кейін қайтады

  • 02 Мамыр, 2024
  • 5321

Назипа Шанаи: Ана мектебі арқылы ұл да, қыз да дұрыс тәлім алады

  • 02 Мамыр, 2024
  • 5313

Редактор блогы

Ерлан Жүніс

«Ана тілі» газетінің Бас редакторы