• Тіл
  • 02 Желтоқсан, 2010

Бүгінгінің баласының Махамбеттей болғанын қалаймын

d0bdd0b0d182d0b0d0bbd18cd18fНаталья Деменьтева:

Көкшетау өңіріне сапарымызда «Қазақстан» ұлттық те­леар­насының сол аймақтағы фи­­­лиалында қызмет ететін әріп­тес­терімізге жолай соғып, хал сұрасқанды жөн көрдік. Аталған ұжымды басқаратын Жалғасбек Маратұлының айтуынша, қазір облыстағы мемлекеттік тіл жағда­йы сын көтермегенімен мызғымас­тай көрінген сеңнің соңғы жылдары қозғалғаны аңғарылыпты. Облыстық телеарна да Көкше өңірінде тіліміздің тұғырына қайта қонуына айтарлықтай үлес қосып жүрген көрінеді.

Жетісудан барған бізден елдің есендігін сұрастыра оты­рып, өздеріндегі жайды баян етті. Ұлттық құндылықтарды ұлық­тауда бұл шағын ұжымның да тындырып жүргені көп екен. Телеарна басшысы «Ұжымымыз­да Наталья Деменьтева деген орыс қызымыз бар. Қазақ тілін қазақтың өзінен кем білмейді» деп атап өтті. Оның айтуынша, Натальяның мемлекеттік тілді меңгерген басқа құрбыларына қарағанда өзіндік артықшылығы бар. Мәселен, отандық телеарналарда жүрген өзге ұлт өкілдері қазақ тілін өз еркі­мен, қала берді, жүрек қалауымен, ықтиярымен үйренбеген. Олар­дың біразы, мәселен, Максим Нико­лаев, Оксана Петерстер қазағы қалың оңтүстік өңірде, ауылдық жерлерде өскеннен соң жетік біледі. Керек десеңіз, олардың ауладағы достарының барлығы қа­ракөздер, көршілерінің бәрі қазақтар еді ғой. Ал Жалғасбек аға Наташаның басты ерекшелігі деп ормандай орысы бар солтүстік аймақта туып, өз тілінде сөйлесетін өңірде өсіп, мектепте де өз тілінде білім алғанымен, қазақ тіліне деген құрметі арқасында өз ықтияры­мен саналы түрде үйренгенін атап өтті. «Бұл жерде оның анасының ақылдылығын айту керек. Мектеп бітірген, бір ауыз қазақша білмей­тін қызына «қазақ тілін үйрен», «сен мекен еткен мемлекеттің тілі – қазақ тілі» деп кеңес беруі тегін емес» дейді Жалғасбек Маратұлы. Кейін Ш.Уәлиханов атындағы Көкшетау мемлекеттік университетінде білімін қазақша жалғастырған Наталья қазір телеарнадан бөлек ұстаздықпен айналысады. Алғаш көк көзді көрікті қыздың қазақша сайрап тұрғанын көрген телеарна басшысына жақсы ой келіп, Наташаны телеарнаға жұмысқа шақырады. Басқа әріптестері секілді қазақша бағдарлама ашып, жүргізуді қа­лаған Наташаны Жалғасбек аға­сы ойынан айнытады. Өйткені мемлекеттік тілге мұрнын шүйі­ріп жүрген орыстілді аудиторияға орыс қызының қазақша сөзі өтімдірек екенін тәжірибелі басшы бірден түсінеді. Түсіне оты­рып: «Наташа, сен «Я научилась» деген бағдарлама жасайсың. Саған қарап, сол бағдарлама арқылы барлық басқа ұлт өкілдері мемлекеттік тілді меңгеретіндей болуы керек!» деп талап қояды. Сол күннен бас­тап Наташаның «Я научилась» бағдарламасы аудиториясының аясы кеңіп, кейін «Мы научились» деген жаңа бағдарлама ашады. Демек, бұл бағдарламадан кейін аймақтағы тіл сындырушылар­дың да саны артқанын айғақтаса керек. Орайы келгенде кезін­де Натальяның «Я научилась» бағдарламасы «Орыстілді БАҚ-та мемлекеттік тілдің аясын ке­ңітіп, насихаттаған ең үздік ма­қала мен телебағдарлама» атты рес­публикалық байқауда жүлделі үшінші орынға іліккенін айта кету керек. Әрине, бұл облыстық телеарнада өзге әріптестерінен оқ бойы озық жүрген Натальяның мерейін өсіргені рас. Сондай-ақ дәл қазір Наташа эфирде қазақ әдебиеті­нің ұлы перзенттерінің өмірі мен шығармашылығына арналған «Живой родник» бағдарламасын жүргізіп жүр. Оның Шәкәрім Құдайбердіұлының өмірінен сыр шертетін кезекті бір сюжетін біз де көрдік. Кейін бағдарламаның авторы һәм жүргізушісі Наташаның өзімен жүздестік. Көгілдір көзді демесең, қара шашты қазақ қызы­нан еш айнымайтын Наташаның жүзінен мейірім төгіліп-ақ тұр екен. «Нұр Отан» партиясының ХІІ съезінде еліміздің жас ұстаз­дар қауымы атынан сөз сөйлеген сәтіме көп адамдар сүйсінгенін кейін естідім. Соның бірі Әлихан Байменов: «Елбасының сөзінен соң әсерлі шыққаны – орыс қызы Наталья Деменьтеваның сөзі» деп бағалапты. Кейін бұл оқиға ме­нің эфирге шығып, көрерменнің көзайымына айналуыма да себепкер болды» дейді Наташа өткен күнге көз жіберіп. Әріптестері­нің айтуынша, тілші қыз өз кейіпкерлерінің ішінде Махамбетті ерекше жақсы көреді екен. Соның сырын сұрағанымызда: «Махамбет – ақын ғана емес, батыр. Халық батыры. Халқының қамын жеген азамат. Әділетсіздікті қанды қылышымен ғана емес, өткір жырларымен де тіліп түскен. Әсіресе, оның отты жырларын айтсаңыз­шы! Бүгінгінің баласын батыр­лық­қа һәм батылдыққа тәрбиелеу­де Махамбеттей тұлғаларымыз­ды насихаттағанымыз, оның бай мұрасымен сусындатқанымыз қа­жет-ақ», – дейді кәнігі әде­биетші ұстаздардай тебіреніп. «Тіл білдім, болдым, толдым» деп отырған Наташа жоқ. «Өзің өскен ел мен жердің бай тарихын танып, мәдениетін білу – сол жердің пер­зентіне парыз» деп білетін ол үнемі ізденіп жүреді. Д.СЕРІКҚЫЗЫ КӨКШЕТАУ

3304 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ANA TILI №21

30 Мамыр, 2024

Жүктеу (PDF)

Нұркен Әшіров, Құрманғазы атындағы Қазақ ұлттық консерваториясының ректоры: Ұлттық құндылық ұтымды әрекеттен қалыптасады

  • 04 Сәуір, 2024
  • 13459

Сәбит ШІЛДЕБАЙ, тарихшы, Орталық мемлекеттік архив директоры: Архив ұлттық қауіпсіздігіміз үшін қажет

  • 11 Сәуір, 2024
  • 7797

Әли БЕКТАЛИЕВ, Алматы хореографиялық училищесінің ұстазы: ШАРТ ҚОЙМАЙ, ШАБЫТ СЫЙЛАЙМЫЗ

  • 11 Сәуір, 2024
  • 7427

Бақытжан Сатершинов, дінтанушы: ЗАҢДЫ БІЛГЕН ЗАМАНДЫ ДА БІЛЕДІ

  • 11 Сәуір, 2024
  • 6805

Елнұр Бейсенбаев, Мәжіліс депутаты: Әділетті қоғам құру – парызымыз

  • 11 Сәуір, 2024
  • 6754

Еділхан ӘМІРҒАЛИЕВ, техника ғылымының докторы, профессор: Технологиялық өркениет заманы басталды

  • 18 Сәуір, 2024
  • 6541

Алишер Сатвалдиев, Парламент Сенатының депутаты: Алпыс күн тасыған дария, алты күннен кейін қайтады

  • 02 Мамыр, 2024
  • 5316

Назипа Шанаи: Ана мектебі арқылы ұл да, қыз да дұрыс тәлім алады

  • 02 Мамыр, 2024
  • 5308

Редактор блогы

Ерлан Жүніс

«Ана тілі» газетінің Бас редакторы