• Ақпарат
  • 04 Қараша, 2021

Саяси мәдениетті қалыптастыру – ортақ іс

Алматы қаласы Қоғамдық даму басқармасының қолдауымен «Мәңгілік Қазақстан» қоғамдық қоры ұйымдастырып жатқан «Саяси мәдениетті арттыру жолдары» атты көшпелі семинар-тренингтер өз жалғасын тапты.

Бұған дейін алғашқы семинар-тренинг әл-Фараби атындағы Қазақ ұлттық университетінің Философия және саясаттану факультетінде өткен болатын. Бұл жолы жастарға саяси мәдениетті арттыру жолдары №4 кітапханада және «Тұран» университетінде үйретілді.

Көшпелі семинар-тренингтің мақсаты – жас саясаттанушылар тобын құру. Олар өз кезегінде алдағы саяси өмірге белсенді араласып отыруы тиіс. Осы белсенді топты қалыптастыру үшін жұмыс тобы құрылып, оған  саясаттану PhD докторы, "Тұран" университеті "Аймақтану және халықаралық қатынастар" кафедрасының меңгерушісі, 2013-2014 жылдары Гумбольд университетінде (Германия, Берлин) ғылыми тағылымдамадан өткен Жеңісбек Төлен, Философия, саясаттану және дінтану институтының жетекші ғылыми қызметкері, PhD докторы. 2014-2015 жылдары докторантура бағдарламасы бойынша Клермонт университетінде (Лос-Анджелес, АҚШ) ғылыми тәжірибеден өткен Нұркен Айтымбетов, саясаттану ғылымдары кандидаты, доцент, 2010-2011 жылдары Сантьяго университетiнде (Испания) ғылыми тағылымдамадан өткен Шәріп Ишмухамедов, әлеуметтік ғылымдар магистры, Шет тілдер және іскерлік карьера университетінің оқытушысы Эльмира Назирова,  саясаттанушы, “Болашақ” бағдарламасының түлегі (Австралия, The University of Queensland), халықаралық қатынастар бойынша PhD кандидаты Нұрболат Нышанбай кірді. Семинар-тренингке қатысушылар осы мамандардың алдында саяси мәдениетті қалыптастырудың қыр-сырын, оның пайдасын, дамыту жолдарын үйренді.

 

Қазақстан қазір өтпелі саяси кезеңді бастан өткеріп жатқандықтан, қала әкімдігі «Халықтың саяси мәдениетін арттыруға бағытталған тақырыптық іс-шаралар өткізу» атты жобаны іске қосып, жоғарыда аталған семинар-тренингтер де осы жоба аясында өткізіліп жатыр.

Мамандардың сөзінше, саяси мәдениетті барлық адам кәсібіне, мамандығына, қызметіне қарамастан меңгере білуі тиіс екен. Яғни, саяси мәдениет шекарасыз әлем. Сол себепті бұл жолғы семинар-тренингтерге әртүрлі мамандық иелері қатысып, оларға да тағылымдамадан өткендегін растайтын арнайы сертификаттар табыс етілді.

Қ.Қарабаев

12452 рет

көрсетілді

250

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ANA TILI №12

28 Наурыз, 2024

Жүктеу (PDF)

Редактор блогы

Ерлан Жүніс

«Ана тілі» газетінің Бас редакторы