- Руханият
- 09 Желтоқсан, 2021
Туған өлке құрметі
Әріптесіміз Жанғабыл Қабақбаев саналы ғұмырын журналистика мен мемлекеттік тіл саясатын жүргізуге арнады.
Шалқар қаласындағы аудандық мәдениет үйінде тәуелсіз еліміздің Тұңғыш Президенті күніне орай өткізілген салтанатты шарада Ақтөбе облысы Шалқар ауданының әкімі Жанболат Жидеханов Ж.Қабақбаевқа «Шалқар ауданының Құрметті азаматы» атағының куәлігі мен сертификатты тапсырып, омырауына арнайы шығарылған медальді тақты.
Жанғабыл Қабақбаев – Қазақстан халқы Ассамблеясының мүшесі, «Қазақстанның құрметті журналисі», «Ақпарат саласының үздігі». Сонымен бірге халықаралық «Қазақ тілі» қоғамының Ақтөбе облыстық ұйымы төрағасының орынбасары, «Қазақ газеттері» ЖШС-нің Ақтөбе облысындағы өкілі ретінде Ұлт газеті – «Ана тілінің» таралымын көбейтуге үлес қосып жүр.
Әріптесімізді өзі туып-өскен өлке марапатымен құттықтаймыз!
511 рет
көрсетілді0
пікір