- Тіл
- 14 Сәуір, 2022
ТІЛ – ҰЛТТЫҢ ТАМЫРЫ
Ұлттың бітім-болмысын, рухани құндылықтарын танытып, ұлт екенін айғақтайтын басты белгі ретінде ең алдымен тілді атайтынымыз заңдылық. Себебі ұлттың тілі, діні, мәдениеті, салт-дәстүрі болмайынша, мемлекет ретінде өмір сүріп, алпауыттармен тереземіздің теңесуі мүмкін емес.
Қазақ – сөз өнерін арда тұтқан халық. «Ана сүті бой өсіреді, ана тілі ой өсіреді», «Тіл – ұлттың тамыры, ұлық еткен тәңірі», «Өз тілің – бірлік үшін, өзге тіл – тірлік үшін» деген де біз емес пе?!
ҚР ДСӘДМ «Республикалық клиникалық «Отан соғысының мүгедектеріне арналған госпиталь» ШЖҚ РМК клиникалық-диагностика бөлімшесінің қызметкерлері мемлекеттік тілдің мәртебесін биіктетіп жүр. Емделушілер мен мамандар арасындағы қарым-қатынас, ескертулер мен ұсыныстар қазақ тілінде жүргізіледі. М.Аврелийдің: «Біріншіден, ештеңені де себепсіз және мақсатсыз істеме. Екіншіден, қоғамның пайдасына аспайтын ештеңені істеме» деген сөзін ұран еткен медицина саласының клиникалық-диагностика бөлімше қызметкерлерін емдеу, диагностикалау саласының мамандары деп қана қарастыруға болмайды. Медицина маманы – адам жанының шипасын тауып қана қоймай, ерік-жігер сыйлайтын, мүмкіндіктерді мүмкіндіктерге жалғайтын жауапты қызмет, ал ол қызметті мемлекеттік тіліміздің көркемдік әлемімен байланыстыра білу, қазақ тілінің медицина саласындағы беделін арттыру – маңызды міндет.
Қазақ тілін теңіз маржанындай, ата-бабалардан мұра боп қалғанындай асыл сипатында келер ұрпаққа жеткізу тек тіл мамандарының ғана емес, біз секілді клиникалық-диагностика бөлімшесі сынды тілге шешен, сөзге көсем, кәсіби жетілген медицина саласының көрегенді өкілдерінің абыройлы міндеті болмақ. Абай астарымен, Мұқағали мақамымен, Бұқар жырау бедерімен, Мағжанның сөздік зергерімен айшықталған мемлекеттік тіліміздің болашағы – еліміздің дамуына салынған баспалдақ деп есептейміз.
Гүлбану СҰЛТАНОВА,
Отан соғысы мүгедектеріне арналған Республикалық
клиникалық госпитальдің клиникалық диагностика
бөлімшесінің аға мейірбикесі
1264 рет
көрсетілді0
пікір