• Ақпарат
• 31 Қазан, 2024

ҰЛТ РУХЫ ЖАҢҒЫРҒАН КҮН

Ұлытау облысының тұрғындары Республика күнін ерекше атап өтті. Республика күніне орайластырған мерекелік іс-шара барысында тұрғындарға баспана кілті табыс етілді. Жезқазған қаласындағы Халықтар достығы мен мәдениеті үйінде өткізілген салтанатты жиынға еңбек ардагерлері, кәсіпорын қызметкерлері және аудан-қала тұрғындары қатысты.
Жиында аймақ басшысы Дастан Рыспеков облыстың экономикалық жетістіктеріне тоқталып, бұл табысқа жету жолында әрбір тұрғынның еңбегі бар екенін атап өтті. Ол аймақтың болашақта одан әрі дамып, қуатты өңірлердің біріне айналатынына сенім білдіріп: «Біздің топырақта рух пен жігер бар», – деп мәлімдеді.

Жиын барысында Ұлытау облысының әлеу­меттік-экономикалық дамуына үлес қосқан азаматтар марапатталды. ҚР Президентінің  Жарлығымен «Парасат» орденімен «Ұлытау облысының Т.Қалмағанбетов атындағы филармониясы» КМҚК-нің артисі Береке Көшенов; «Құрмет» орденімен зейнеткер Нығмат Ильясов, мемлекеттік қызмет ісінің ардагері Сабыр Омаров, еңбек ардагері Қайыртай Матанұлы Дарданбаев, зейнеткер Мешітбай Омаров, «Соматикалық шипажай» директоры Бимұрат Жұмашұлы, «Тулеуов Сакен Жаканович» ЖК бас директоры Сәкен Жақанұлы Төлеуов, «Қазақмыс корпорациясы» ЖШС бас жобалау институтының бас жоспар және көлік бөлімінің бастығы Николай Иванович Семенихин, «Маруа Құлұшева атындағы қиын өмір жағдайындағы балаларды қолдау орталығының» директоры Ғазиз Қарлыбайұлы Жетібаев, «А COMPANY» ЖШС құрылысты жүргізуші маманы Әбдіғапар Мергенұлы  Күмісбаев, «Астана Премиум Строй» ЖШС құрылысты жүргізуші маманы Мұрат Қаратайұлы Шохаманов және «Kazakhmys Smelting» ЖШС Жезқазған мыс балқыту зауытының металлургия зертханасының жетекші инженері Наталья Владимировна Стародубова марапатталды. 
Өндірістегі жоғары еңбек көрсеткіштері мен еңбек өнімділігінің артуына және өнім сапасының жақсаруына, ұлттық экономиканың бәсекеге қабілеттілігін арттыруға ықпал еткен еңбегі үшін ІІІ дәрежелі «Еңбек даңқы» орденін «Сәтбаев жылу, сумен жабдықтау кәсіпорыны» ЖШС су құбыры және кәріз цехының су құбыры учаскесінің 6 дәрежелі аварияны-қалпына келтіру жұмыстарының слесарі, Ұлытау облысы Сәтбаев қаласының тұрғыны Әділ Қуанышұлы алды.
«Ерен еңбегі үшін» медалімен экономикадағы, әлеуметтік саладағы, ғылымдағы, мәдениеттегі және мемлекеттік қызметтегі жетістіктерімен ерекше көзге түскен жандар марапатталды. Олардың қатарында зейнеткер Айтбай Сеитов, «Шындық» қоғамдық бірлестігінің төрағасы Абдолла Байділдаұлы Дастанов, «Қорғау қызметі» ЖШС қарауыл бастығы Әмзелі Елешұлы Ақылбаев, Ұлытау облысының ветеринария басқармасының «Жезқазған қалалық ветеринариялық станциясы» ШЖҚ КМК басшысы Дәулетбек Қалиұлы Түсіпбеков, Қаражал қаласының қоғамдық кеңесінің мүшесі Сексен Балтабайұлы, Қаражал қаласы әкімдігінің «Қалалық коммуналдық шаруашылық» коммуналдық мемлекеттік кәсіпорнының энергетигі Виктор Николаевич Ременников, «Kazakhmys Smelting» ЖШС Жезқазған мыс қорыту зауытының әкімшілік-тұрмыстық кешенінің қосалқы жұмыскері Сейтжан Битұрсынұлы, «Қазақмыс Корпорациясы» ЖШС жанындағы «Ардагерлер кеңесі» қоғамдық бірлестігі Жезқазған филиалының жетекшісі Алтын Шайменова, Айтыскер ақындар мен жыршы-термешілердің халықаралық одағының Ұлытау облысы бойынша филиалының төрағасы Төлеген Нұрланұлы Жаманов, «ULYTAU» облыстық телерадиокомпаниясының креативті директоры Базаркүл Сейітжанқызы Үмбетова, Жезқазған қалалық мәслихатының төрағасы Раушан Оңқонысқызы Қапарова, «С.Сейфуллин атындағы гимназиясы» КММ орыс тілі мен әдебиеті мұғалімі, «педагог-зерттеуші» Виктория Анатольевна Ульянова, «Сәтбаев қалалық балалар мен жасөспірімдер спорт мектебі» КМҚК басшысы Марат Егінбайұлы Бекмағанбетов, Қаражал қаласы білім бөлімінің «Балалар өнер мектебі» КМҚК домбыра сыныбының оқытушысы Әбдірәсіл Нығманұлы Рахим, Жаңаарқа аудандық мәдениет үйінің халық шығармашылық бөлімінің меңгерушісі Балтабай Әбілқасымұлы Қызыров, «Ұлытау ауданы білім бөлімі» ММ басшысы Бағдат Қабденұлы Абдраимов, «Ұлытау ауданы мәдениет және тілдерді дамыту бөлімі» ММ-нің «Мәдени-сауықтыру орталығы» КМҚК директоры Айтбек Сапарұлы Бейсенбаев, «Жобаларды мемлекеттік ведомстводан тыс сараптау» шаруашылық жүргізу құқығындағы респуб­ликалық мемлекеттік кәсіпорынның Қарағанды облысы және Ұлытау облысы бойынша филиалының өндірістік бөлімінің сарапшысы Индира Мұхтарқызы Бекбергенова, «Қазақмыс» компаниялары Тобының «Kazakhmys Smelting» ЖШС Жезқазған мыс қорыту зауыты мысты электролиздеу цехының аппаратшы-гидрометаллургі Берік Қыпшақпайұлы Құлахметов, «Қазақмыс» компаниялары тобының «Kazakhmys Smelting» ЖШС Жезқазған мыс қорыту зауытының балқыту цехы анод учаскесінің түсті металдарды және қорытпаларды құюшысы Ерен Мақсұтұлы Жарасбаев, «№1 тірек мектебі» КММ-нің ағылшын тілі пәнінің мұғалімі Патимат Сұлтанхамитқызы Осканова, «Жәйрем КБК» АҚ байыту жөніндегі атқарушы директоры Айдос Ахметжанұлы Серіков, «Kazakhmys Energy» ЖШС Жезқазған жылу электр орталығының турбиналық цех бастығының орынбасары Темірлан Нұрманұлы Өтжанов, «Қазақмыс» компаниялары тобының «Kazakhmys Smelting» ЖШС Жезқазған мыс қорыту зауытының аппарат жетекшісі Силар Қазбекұлы Қияқбаев, «Жаңа құрылыс» ЖШС техникалық қадағалау маманы Назымбек Жұмабекұлы Айтмұханов, «Ұлытау облысының құрылыс, сәулет және қала құрылысы басқармасы» ММ статисі Гүлшат Наушабекқызы Махатова, «Самға» ЖШС электрмонтаждаушысы Жүрсінәлі Әшірәліұлы Тайғараев, «Kazakhmys Smelting» ЖШС Жезқазған мыс қорыту зауытының Күкірт қышқылы цехының электржабдықтарды жөндеу және қызмет көрсету бойынша электрмонтаждаушы Жандос Жұмағалиұлы Құлмағанбетов, «Ұлытау өңірі», «Мысты өңірі» газетінің тілшісі Ізтай Белгібайұлы Бейсенбай бар.
Мемлекет қуатын арттыру, ел табысын еселеуге белсендi араласып, жемiстi қызмет еткен, мейiр-шапағаты мен қайырымдылығын танытқан азаматтар «Шапағат» медалiмен марапатталды. Олар: «Сәтбаев қаласының емханасы» КМК, консультативті диагностика бөлімінің меңгерушісі, Ұлытау облысының тұрғыны Есентай Мұсағұлов, «Жезқазған қаласының облыстық көпбейінді  ауруханасы» ШЖҚ КМК – ана мен баланы қорғау қызметінің жетекшісі Ғайнижамал Мағзұмқызы Әбішева,  «Жәйрем кентінің ауруханасы» КМҚК терапевт медбикесі Айжан Жақсылыққызы Әбілдина, «Өркен» балабақшасы» КМҚК директоры, Эльмира Саматқызы Ершуманова, «Ұлытау ауданының орталық ауруханасы» КМК, дәрігер-дерматовенеролог Замира Жақсыбайқызы Жаңбыршимева. Президент Жарлығымен еңбек ардагері, мәдениет саласындағы аса үздік жетістіктері және айрықша еңбегі үшін «Қазақстанның еңбек сіңірген қайраткері» атағын Жаксылық Өтеубекұлы Шохтаев марапатталды.
«Бірлік» медалі «Вайнах» этномәдени орталығы қоғамдық бірлестігінің төрағасы Абеуезит Магомедович Чумаковке табысталды. 
Қазақстанның құрметті геологі, КСРО жер қойнауының үздік барлаушысы, Жезқазған қаласы Шет ауданының құрметті азаматы, еңбек ардагері Сұлтан Сүтбайұлы, Мұхамеджан Қанайұлы Тлеуханов, Қазақстанның Еңбек Ері, «Западный» кенішінің №73/75 шахтасының ұңғылау учаскесінің бригадирі, өндіріс майталманы  Тұрсынбек Шамбылұлы Мәкішев, мемлекет және қоғам қайраткері, «Парасат» және ІІІ дәрежелі «Барыс» ордендері мен бірнеше халықаралық марапаттардың иегері Әлихан Мұхамедияұлы Байменов, Абай атындағы мемлекеттік сыйлықтың иегері, ақын Ғалым Жайлыбай «Ұлытау облысының құрметті азаматы» атанды.
Сонымен қатар ұлттың саны ұлғаюына үлес қосқан көпбалалы аналарға «Алтын алқа» табысталды. Ұлытау облысының Құрмет грамотасымен бірқатар азаматтар марапатталды.
Мерекелік кеште қазақтың жазира даласы көрсетілген лед-экран фонында ұлттық рухты көтеретін сахналық қойылым көрсетілді. Концерт «Ұлытау» тобы және қазақ эстрада жұлдыздарының концерттік бағдарламасына ұласып, отшашумен аяқталды.

Бағдат Сұлтанқызы