• Ақпарат
• 13 Қараша, 2025

Шоқантануға қосқан үлес

Белгілі жазушы, журналист, зерттеуші Жарылқап Бейсенбайұлы – көп жылдар бойы қазақтың ұлы ғалымы Шоқан өмірін зерделеп, оның 1856 жылы жасаған Ыстықкөл сапарының ізін қайталап жүріп өткен, атақты жиһангез-шығыстанушы еңбек етіп, ғұмыр кешкен мекендерде арнайы болып, сол ізденістер нәтижесінде жарық көрген «Шоқан ізімен» (1977), «Жасын-тағдыр жарқылы» (1987), «Шоқан» (2009) атты ғұмырнамалық кітаптардың авторы.

Соңғы көлемді шығарма Ресейдегі Қазақстан елшілігінің қолдауымен орыс тіліне аударылып, «Чокан Валиханов» атты ол кітаптың арнайы таныстырылымы 2015 жылдың соңында Мәскеу­дегі Орыс географиялық қоғамының штаб-­пәтерінде өтті.
Жарылқап Бейсенбайұлының кейінгі жылдар жүзінде жарияланып жатқан жаңа тарихи, мұрағаттық құжаттармен, анықтамалық мағлұматтармен байытылып, қазақ ғылымындағы қол жетпес шырқау шыңдардың бірі, ерек туған феномен – Шоқан Уәлихановтың туғанына 190 жыл толуына орай қайтадан өңделіп, толықтырылған бұл ғұмырнамалық роман-эссе кітабында, қазақтың заңғар ғалымының өмірі мен оның заманына қатысты бұрын беймәлім боп келген көптеген тұстарға жаңаша барлау жасалынды, тиянақты байыптаулар түйінделеді.

Бағдат СҰЛТАНҚЫЗЫ