• Ақпарат
  • 10 Ақпан, 2009

«Ит те өзінше үреді...»

Билік басшылары қатысқан жиналыстың біразына бас сұғып жүрміз. Рас. Сәбидің қолына тәтті кәмпит ұстатып, алдағандай «ассаулауын» ана тілімен бастап, «іліп әкетерін» ресми тілмен жалғай жөнелетін өгей ұлдардың қылығын бетке басу басымызға жазыла қоймапты.  «Ләббай тақсырлыққа» еті әбден өліп алған ұлт зиялыларының өзі «министрсымақтардың» сөзіне алақандары тесілгенше шапалақ ұрып жатады. Осылайша, «балық бастан шіридіні» түсінген  Елбасы «Аюға намаз үйреткен таяқ екенін» ескертіп, «аю да қазақ тілін үйренетін уақыт болды» деп мәселе мәнісінің төбесін дүңк еткізді. Жүректе тұрған шердің шідері шешілгендей болды. Содан бері, халық арасында бір серпіліс бар. Бірақ, Елбасы сөзін аяқасты еткендей биліктегілердің өзі қыңқ дегісі келмей, «баяғы жартас, сол жартастың» күйін шертіп тұрып алды. Баяғы жиналыс, сол жиналыс...

Осы аптада Сенат депутаттары осы шындықтың шымылдығын жұлып алды. Әбіш Кекілбаев, Ғарифолла Есім сынды сенаторлар Қаржы нарығы және қаржы ұйымдарын реттеу мен қадағалау агентігі төрайымының орынбасары Мұрат Байсынов мырзаға қазақшаны қатырмағаны һәм олқы-солқы заң ұсынғаны үшін шүйлікті. «Екі түйе сүйкенсе, ортасында шыбын өледі». Үкімет пен Парламент сүйкенсе... Масадай қауқары жоқ делінетін заңымыз өліп кетуі де бек мүмкін. Осыны дәлелдей сөйлеген Әбіш Кекілбаев:

— Қатеге толы заңды ұсынып отырған министрдің дардай орынбасары мәселені қазақ тілінің мамандарына әкеліп тірейді. Қазақ тілін білмесе, несіне Қазақстан министрінің орынбасары болып отыр?» — деп өзге атқамінерлерді де тілмен түйреп өтті.  «Ит екеш ит те өзінше үреді» деген Әбіш Кекілбаевтің сөзі құлағымызға майдай жақты. Айызымыз қанды. Парламент мәселе мәнісі осылай төтесінен қоя берсе, министрлердің де ығары сөзсіз екен. Ендеше, «алда осындай ерліктер көбейе бергей» деп тілейік.  

Хорезми

 Сабырдан жақсысы жоқ ойлап тұрсам,

Бірақ менде сабыр жоқ аңдап тұрсам.

 

Ақан БІРЛІК

2992 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ANA TILI №21

30 Мамыр, 2024

Жүктеу (PDF)

Нұркен Әшіров, Құрманғазы атындағы Қазақ ұлттық консерваториясының ректоры: Ұлттық құндылық ұтымды әрекеттен қалыптасады

  • 04 Сәуір, 2024
  • 13457

Сәбит ШІЛДЕБАЙ, тарихшы, Орталық мемлекеттік архив директоры: Архив ұлттық қауіпсіздігіміз үшін қажет

  • 11 Сәуір, 2024
  • 7795

Әли БЕКТАЛИЕВ, Алматы хореографиялық училищесінің ұстазы: ШАРТ ҚОЙМАЙ, ШАБЫТ СЫЙЛАЙМЫЗ

  • 11 Сәуір, 2024
  • 7425

Бақытжан Сатершинов, дінтанушы: ЗАҢДЫ БІЛГЕН ЗАМАНДЫ ДА БІЛЕДІ

  • 11 Сәуір, 2024
  • 6803

Елнұр Бейсенбаев, Мәжіліс депутаты: Әділетті қоғам құру – парызымыз

  • 11 Сәуір, 2024
  • 6752

Еділхан ӘМІРҒАЛИЕВ, техника ғылымының докторы, профессор: Технологиялық өркениет заманы басталды

  • 18 Сәуір, 2024
  • 6539

Алишер Сатвалдиев, Парламент Сенатының депутаты: Алпыс күн тасыған дария, алты күннен кейін қайтады

  • 02 Мамыр, 2024
  • 5314

Назипа Шанаи: Ана мектебі арқылы ұл да, қыз да дұрыс тәлім алады

  • 02 Мамыр, 2024
  • 5306

Редактор блогы

Ерлан Жүніс

«Ана тілі» газетінің Бас редакторы