• Мәдениет
• 29 Қаңтар, 2009

«Тағдыр тақтасы»

«Жалын» баспасынан әріптесіміз, «Ана тілі» газеті бас редакторының орынбасары Дархан Бейсенбекұлының «Тағдыр тақтасы» атты кітабы жарық көрді. Онда жас жазушының он әңгімесі енген.

Кітаптың беташар сөзінде атап көрсетілгендей қаламгер бұл дүниелерінде проза талаптарын, әңгіменің жанрлық шарттарын жіті орындауға тырысқан. Автордың тілі қарапайым әрі жеңіл, оқырманды жетелеп отырады. Біз Дарханды тырнақалды туындысымен құттықтай отырып, мазмұнды шығармаларының көбейе беруіне тілектестігімізді білдіреміз.