• Ақпарат
• 04 Қаңтар, 2013

«Отан – қуат, отбасы – шуақ»

Қазақстан Республикасының Президенті Нұрсұлтан Назарбаевтың Жаңа жылдық құттықтауы

Құрметті отандас­тар! Енді санаулы ғана минуттардан кейін біз жаңа – 2013 жылға қа­дам басамыз. Өтіп бара жатқан жыл Қазақ­стан үшін жар­қын оқиғаларға, же­­тіс­тіктерге және жеңіс­терге толы болды. Еліміз жоғары экономикалық өсімге қол жеткізді. Қазақстан әлемдегі бәсекеге қа­білетті елдер арасында 51-ші орын­ға табан тіреді. Бұл – біздің сөзіміз бен ісіміздің бір арнада тоғыс­қанының, ең бас­тысы, ел болып бір жеңнен қол, бір жағадан бас шығара ала­ты­ны­мыздың дәлелі. Біздің мақ­сат­кер­лігіміз Лон­дон­дағы жазғы Олим­пиялық ойын­дар барысында айқын көрінді. Қазақстан құрамасы үздік 12 ел­дің қатарына кірді. Бұл жеңіс қазақ­стан­дықтарды бі­­ріктірудің маңызды факторына ай­налды. Ардақты ағайын! Қазіргі сәтте бар­лы­ғыңыз көте­ріңкі көңіл-күймен мерекелік дас­тарқанда бас қосып отырсыздар. Келе жатқан жыл біздің бе­ре­келі бірлігіміз­ді, жарасымды татулығымызды, үйлесімді тұ­рақтылығымызды нықтай түсетін жыл болатынына сенемін. «Отан – қуат, отбасы – шуақ» дейді қазақ халқы. Осы бір шуақ шашқан отбасылық мереке баршаңызға бақыт, табыс, шаттық әкелсін! Ел іргесі аман болсын! Жаңа жыл құтты болсын, ағайын! Астана, 2012 жылғы 31 желтоқсан