- Білім және ғылым
- 09 Сәуір, 2015
Олимпиадада бақ сынады
Астанадағы «Қазмедиа» орталығының концерт залында «Жарқын болашақ» атты республикалық қазақ тілі олимпиадасында жеңімпаз атанған 11-сынып оқушыларының марапаттау рәсімі өтті.
Қазақстан Республикасы Білім және ғылым министрлігі мен «КАТЕV» қоры ұйымдастырған білім сайысының қорытындысында іріктеуден өткен 171 өрен республикалық ақтық сайысқа жолдама алды. Марапаттау шарасына Білім және ғылым министрлігінің өкілдері мен ҚР Парламент депутаттары қатысты. «Жарқын болашақ» олимпиадасының жеңімпаздарына жолдаған Қазақстан Республикасы Премьер-министрдің орынбасары Бердібек Сапарбаевтың құттықтау хатын Білім және ғылым вице-министрі Есенғазы Иманғалиев оқып берді. «КАТЕV» қоры қамқоршылар кеңесінің төрағасы Мехмет Месут қазақ тілі олимпиадасының түпкі мақсатына тоқталып, іс-шараның мән-мағынасы туралы айтып берді. Марапаттау рәсімінде Мәжіліс депутаттары Оразкүл Асанғазы мен Бақытбек Смағұл оқушыларға арналған ізгі тілектерін жеткізді.
Қуаныш УӘЛИЕВ
2455 рет
көрсетілді0
пікір