- Мәдениет
- 08 Қыркүйек, 2016
Балалар көңілінен шықты
Жетімдер мен мүгедектерге қол ұшын созып, көмек көрсету, оларға көңілді мереке сыйлау өте маңызды іс. Осы орайда, Ата Заңымыздың төл мерекесі қарсаңында «Алматы қалалық психоневрологиялық ауытқулары бар мүгедек балаларға арналған интернат-үйінде» Ата Заңымыздың 21 жылдық мерейтойына орай «Ата заңым – ардақты» атты мерекелік концерт өтті.
«Алматы қалалық психоневрологиялық ауытқулары бар мүгедек балаларға арналған интернат-үйі» директоры Қанат Сабыров өз сөзінде бұл шараның маңыздылығын ерекше атап өтті. Концерт үш бөлімнен тұрды. Оның аясында көңіл көтеруге арналған бағдарламалар, ойын-сауық шаралары, «Балаға қуаныш сыйла» атты қайырымдылық акциясы жүзеге асырылды. Балалар мен тәрбиешілер мерекелік концертке тыңғылықты дайындалды. Сахналық қойылымдар ұйымдастырды. Аниматор артистеріміз мерекеміздің көркін қыздыруға барынша ат салысты. Интернат қызметкерлері балаларға арнап үйлерінен тәтті тағамдар даярлап әкелді. Мерекелік іс-шарада балаларға жылы лебіздер мен жақсы тілектер айтылды, сондай-ақ осы ерекше бүлдіршіндерді тәрбиелеу үшін өзіне жауапкершілік алған адамдарға шын жүректен алғыс айтылды. Осы кешті ұйымдастыруға тікелей ат салысқан Сағия Арманқызына зор алғысымды білдіргім келеді. Бір сөзбен айтқанда, мереке балалардың көңілінен шықты.
Раиса ИЗМАҒАМБЕТОВА АЛМАТЫ
2439 рет
көрсетілді9
пікір