- Тұлға
- 24 Қараша, 2016
Ескерткіш тақта орнатылды
Белгілі мемлекет және қоғам қайраткері Дәуірхан Жәлиұлы Айдаровтың Алматыда тұрған үйіне ескерткіш тақта орнатуға арналған салтанат болды. Оны Алматы қаласы тілдерді дамыту, мұрағат және құжаттама басқармасының басшысы Мамай Ахетов сөз сөйлеп ашты.Алғашқы сөзді мемлекет және қоғам қайраткері, Тәуелсіз Қазақстан Үкіметінің алғашқы Төрағасы Ұзақбай Қараманов алды. Ол Дәуірхан Жәлиұлының адал еңбегі арқасында қарапайым мұғалімдіктен Қазақстан Компартиясы ОК-і насихат бөлімі меңгерушісінің бірінші орынбасарлығына, обкомның хатшылығына дейін өскендігін атап өтті. Мұнан кейін ел ағасы, қоғам қайраткері Нұртаза Ибраев, Қазақстанның еңбек сіңірген қайраткері Орынша Қарабалина, академик Досмұхамбет Кішібеков сөз сөйлеп Д.Айдаровтың азаматтығы, адамгершілігі жөніндегі ой-пікірлерімен бөлісті. Салтанат соңында Дәуірхан Жәлиұлының зайыбы Раш Ембергенқызы сөз алып, қала әкімдігіне, жиналған қауымға ризашылығын білдірді.
1445 рет
көрсетілді0
пікір