• Ақпарат
• 15 Қаңтар, 2009

Ташкент «қартайып» бара ма?

Ташкент қаласының халқы жуған кірлерін қайда жаярын білмей дал. Өйткені Өзбекстан билігі ел астанасы тұрғындарының балконға кір жаюына, ұсақ дүниелерін қоюға қатаң түрде тыйым салып отыр. Қала әкімшілігі «бұл бір жағынан санитарлық талапқа сай келмейді әрі көпқабатты үйлердің сыртқы сиқын бұзып тұрады» деген уәж айтуда. Балконға қатысты биліктің бұл бірінші дауы емес. 2008 жылдың көктемінде де осындай шешім шығарылған. Осы жолғы «балкон дауы» 2009 жылдың мамырында тойланатын Ташкенттің 2200 жылдығының қамы деседі. 1982 жылы 2000 жылдығын атап өткен Ташкенттің тез «қартайып» бара жатқаны қалай?