- Білім және ғылым
- 04 Қыркүйек, 2019
Суды тұщы ететін құс
Теңіз бетінде қорек іздеп, тыным таппай жүретін құстың бірі – теңіз шағаласы. Бұл шағалалар теңіз суын ішеді. Сонда олар ащы судың тұзын денесіне қалай сіңіре алады?
Міне, осы жайды анықтау үшін Данияның бір ғалымы теңіз шағалаларын ұстап алып, оларға бірнеше күн бойы теңіз суын берген. Бір стақандай ащы суды ішіп алған шағаладан ғалым көз аудармай қарағанда, оның тұмсығынан түссіз сұйықтың тамшысын көреді. Әлгі сұйықтардың дәмін татып көрсе, оның дәмі теңіз суынан 2 есе ащы екен.
Бұдан кейінгі бақылаудан ғалым шағаланың денесіне сіңген 90 пайыз судың 3 сағат ішінде тұздан тазартылатынын білген. Зерттеу нәтижесінде, суды тұщы етуші: шағала тұмсығының астында орналасқан екі без екендігін анықтаған. Бездер су құрамындағы тұзды бөліп шығарып, «сүзгі» қызметін атқарады екен.
Нұрлан ҚҰМАР
1547 рет
көрсетілді0
пікір