- Руханият
- 04 Желтоқсан, 2019
Абызға арналған ескерткіш
Маңғыстау өлкесі небір дүлдүлдер мен бұлбұлдардың туып өскен киелі ордасы. Көрнекті жазушы, мемлекет және қоғам қайраткері Әбіш Кекілбайұлы да осы өлкенің перзенті екені белгілі. Ардақты азаматтың 6 желтоқсанда болатын туған күні қарсаңында кіндік қаны тамған Оңды ауылында еңселі ескерткіш бой көтерді.
Әдебиеттің алыбы, кемеңгер тұлғаның кең кеудесі мен келісті келбетін бейнелеген ескерткіш өзі білім алған орта мектептің ауласында орналасқан. Игі шараға облыс әкімі Серікбай Трұмов арнайы келіп қатысты. Сонымен қатар өңірдің ақсақалдары, жазушының туыстары мен үзеңгілес достары келді. Ашылу салтанатында сөз алған аймақ басшысы «Әбіш Кекілбайұлының 80 жылдығына арналған іс-шара жыл соңына дейін жалғасады. Санаулы күндерден соң Елордамыз Нұр-Сұлтан қаласында туған күніне орай бірнеше шара ұйымдастырылады» деді. Ескерткіштің кермежібін облыс әкімі С.Трұмовпен бірге Ә.Кекілбайұлының досы, сыныптасы А.Құрмашев қиды. Ескерткіш Әбіш Кекілбайұлы атындағы орта мектептің ауласында орналасты. Алдаберген Құрмашев Әбіш бала кезінен дара оқушы болғанын атап өтті. Қаламгердің жарқын бейнесі әрдайым замандастар жүрегінде жаңғырып тұра беретінін айтты.
Аллаберген ҚОНАРБАЕВ Маңғыстау облысы
751 рет
көрсетілді0
пікір