• Тіл
  • 27 Тамыз, 2020

Телеарналар мемлекеттік тілге ден қоймақ

Жуырда ҚР Ақпарат және қоғамдық даму министрі Аида Балаева Қазақстан Президентінің телерадиокешеніне берген сұхбатында жаңа маусымда телеарналарда қандай өзгеріс болатынын айтты. Министрдің айтуынша, мемлекеттік телеарналарда сериалдар мен ойын-сауық мазмұнындағы бағдарламалар азайып, олардың орнына қазақстандықтарға мемлекеттік бағдарламалардың жүзеге асырылуы көрсетілмек.

Енді телеарнадан отандық өнім көбірек көрсетілетін болады. Елдің әлеуметтік-экономикалық өмірін, мемлекеттік органдардың қызметін, ­сонымен қатар мемлекеттік бағдарла­малар мен бастамалардың іске асырылуы көрсетілетін бағдарламалар көбеймек. Министр бұған дейін айтылып жүрген мемлекеттік телеар­налардың жұмысына қатысты көптеген ұсыныс пен сын-пікірлердің ескерілгенін атап өтті.
«Азаматтардан арналарда ойын-сауық пен сериалдардың көп көр­сетілетіні жайлы көптеген шағым түсті. Осыған байланысты жаңа мау­сымнан бастап шетелдік ойын-сауық мазмұнды бағдарламалар мен сериалдарды ­сатып алуды 30%-ға қысқартамыз деген шешім қа­былданды. Алайда түрік сериалдарын түгелдей алып тастауға болмайды. Бір аудиторияның қамын ойлап, екінші аудиторияны елеусіз қалдыра алмаймыз. Бір аудитория оны қалап, күтіп отырады. Апаларымыз әр сериал кейіпкерінің тілеуін тілеп отырады. ­Солармен бірге қуанып, бірге мұңаяды. Ол аудиторияның мүддесін таптай ­алмаймыз» деді Аида Балаева.
Дегенмен, осыдан кейін мемле­кеттік телеарналарда жаңа ­маусымда түрік сериалдары әдеттегіден аз көрсетіліп, отандық өнім көбірек көрсетілетін ­болады. Елдің әлеуметтік-экономикалық өмірін, мемлекеттік органдардың қызметін, сонымен қатар мемлекеттік бағдарламалар мен бастамалардың іске асырылуы көрсетілетін бағдарламалар көбейеді деп күтіліп отыр. Отандық ­сериалдар мен деректі фильмдерді экранға шығару мақсатында «Қазақфильмнің» негізгі серіктесі болу да министрліктің жоспарында бар.
«Қазір мемлекеттік бағдарлама­ларды кеңірек жария етуге, талдау материалдарын көбірек жасауға бағытталған нақты пікірлер бар. Бұл мемлекет саясатын кеңінен таныстыруға мүмкіндік береді. Белгілі бір бағдарламаларға немесе бастамаларға қатысты сараптамалық пікір әрқашан маңызды. Келесі жылдан бастап жаңа форматта жұмыс істейміз» деді Балаева.
Сонымен қатар министр «әл-Фараби» телеарнасының ашылмау себебі мен бірнеше телеарнаның өзгерістері туралы да баяндады. Айтуынша, пандемияның экономикалық жағдайға әсер етуіне байланысты, «әл-Фараби» телеарнасын іске қосудан бас тарту туралы шешім қабылданған. Естеріңізге сала кетейік, бұған дейін екі жаңа арнаның іске қо­сылатыны хабарланған болатын. Аида Балаева қазір қолданыстағы арналардың мазмұнын жақсарту туралы шешім қабылданғанын жеткізді. Нақты айтқанда, «Еларна» мәдени-білім арнасы ретінде жұмыс істесе, Kazakh TV арнасына ребрендинг жасалады.
Қазіргі таңда Ақпарат және қоғам­дық даму министрінің тапсырмасымен қарастырылып жатқан бас­тамалар бар. Мәселен – еліміздің кабельдік операторлары арқылы тарайтын шетелдік телеарналарды қазақ тіліне аудару. Әрине, кез келген елдің ертеңі – бала тілінде. Сондықтан бұл жұмысты шетелдік танымал ­мультфильм арналарынан бастау ­керек деген ұсыныс бар. Нәтижесінде «Балапан» телеарнасының өнімдері кеңейтіледі.
«Біз Nickelodeon, TiJi, Disney сияқты танымал анимациялық контентті қазақ тіліне аудару туралы шешім қабылдадық. Бұл біздің балаларымызға мемлекеттік тіл­де сөйлеуге мүмкіндік береді. Бұл жұ­мыс­ты күзде бастаймыз» деді Аида Балаева.
Бұл бастамалар қоғамдық талқы­лаудан өтіп, тиісті мамандардың, сарап­шылардың, зиялы қауымның, ата-аналардың қолдауымен жүзеге асырылып жатқан дүниелер. Ақпарат және қоғамдық даму министрлігі үшін ең бірінші міндет – «Рухани жаңғыру» бағдарламасының тиімділігі. Бұл бағытта министрліктің барлық мүмкіндігі бар. Осындай жұмыстардың нәтижесінде ғана «Рухани жаңғыру» бағдарламасын іске асыруда жаңа серпін байқалмақ.

Ақбота ҚУАТОВА

242 рет

көрсетілді

7

пікір
Алдыңғы мақала АРГЕНТИНАЛЫҚТАР ҮЙРЕНГЕН ҚАЗАҚ ТІЛІ
Келесі мақала АНА ТІЛДІҢ АРДАҒЫ

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Әділ

28 Тамыз, 2020

Қазақшалануын қолдаймын.

GvBKOkqoZM

09 Қыркүйек, 2020

aQANqDfIvGH

xpFyXHSTsM

09 Қыркүйек, 2020

osfhZrIEVR

tqQANEZWH

15 Қыркүйек, 2020

myEQuqFHK

WFZGxOleQRKgEmz

15 Қыркүйек, 2020

jntWlhyBQ

FREEDSOCCULURDY

15 Қыркүйек, 2020

casino slots <a href=" http://onlinecasinouse.com/# ">casino slots </a> play online casino http://onlinecasinouse.com/#

dobson

08 Қазан, 2020

2q3wPd http://pills2sale.com/ cheap viagra

ANA TILI №43

22 Қазан, 2020

Жүктеу (PDF)

Редактор блогы

Жанарбек Әшімжан

Бас редактор