- Ақпарат
- 29 Қараша, 2012
Жастарға үлгі етілді
Тұңғыш Президент күні қарсаңында Алматыдағы Экономика және Басқару Академиясы – Еуразия Нарық институтында дөңгелек үстел болды. Мақсат – аты әлемге мәшһүр саясаткер, ұлтымыздың біртуар перзенті, көшбасшымыз, Тәуелсіз Қазақстанның Тұңғыш Президенті Нұрсұлтан Әбішұлы Назарбаевтың жас Қазақ елінің мемлекет болып қалыптасуы мен жалпақ әлемге танылуына сіңірген қажырлы қайраты мен ел іргесін берік, бүтін ұстап, экономикасы мен руханиятын көтерудегі көрегендік саясатын салмақтап, жас ұрпаққа үлгі ету. Дөңгелек үстелді оқу орнының басшысы, профессор Айтқали Шоқалиұлы Нұрсейіт сөз сөйлеп ашты. Ол Тәуелсіздіктің алғашқы 20 жылында еліміздің бірден-бір дұрыс сара жол таңдауына Елбасының дана басшылығы мен халықаралық беделінің зор ықпалы тигенін баса көрсетіп, бұдан әрі де зор жетістіктерге жетелей беретініне сенім білдірді. Сондай-ақ сөз сөйлеген ғалымдар А.Шәменов, Д.Мұқатова, Е.Байдаров, С.Қазиев, Б.Ідірісовалар Қазақстанда Президенттік институттың қалыптасуы, Тәуелсіз Қазақстанды құрудағы Елбасының рөлі мен орны, Республика Президентінің құқықтық мәртебесі, саяси қайраткерлігінің философиялық, қоғамдық-әлеуметтік қырларына тоқталды. Надежда Құдайбергенқызы
2585 рет
көрсетілді0
пікір