- Ақпарат
- 29 Қараша, 2012
Кәсіподақ міндеттері сараланды
«Достық» үйінде «Кәсіподақ қозғалысы: жаңғырту жолдары және инновациялық дамыту» атты конференция болып өтті. Конференцияны «ҚазТұтынушыБақылау» ҚБ-ның президенті Дәурен Қайсаров кіріспе сөз сөйлеп ашты. Басқосуға Алматы қалалық Ішкі саясат басқармасының бастығы Бақтияр Мәкен, Алматы қалалық кәсіподақтар ұйымының төрағасы Кенжебек Омарбаев, ҚР еңбек конфедерациясының Бас хатшысы Мұрат Мәшкенов, Алматы қалалық кәсіподақтар ұйымының құқықтық мәселелер бойынша бас маманы Андрей Бакаев, «Қамқоршы» байланыс қызметкерлері, бастауыш кәсіподақ ұйымының төрайымы Тамара Глазкова, Алмалы аудандық «Нұр Отан» ХДП-сы филиалы төрағасының бірінші орынбасары Александр Братенков және т.б. қатысты. Кәсіподақтар іс жүзінде жұмысшы-қызметкерлердің мүдделерін қорғаушы, мемлекет пен бизнес өкілдерінің әлеуметтік серіктесі десе де болады. Мемлекет басшысының «Қазақстанды әлеуметтік жаңғырту: Жалпыға Ортақ Еңбек Қоғамына қарай 20 қадам» мақаласында кәсіподақ институттарын жаңғырту қажеттілігі туралы атап көрсеткен. Осы күнге дейін кәсіподақтар еңбек заңдылықтарын, еңбек қауіпсіздігін, басқа да еңбекке байланысты түйткілдерді назарда ұстап, көптеген өзекті мәселелердің оң шешілуіне ықпал етіп келеді. – Алматы қаласы кәсіподақтары ұйымының бірлескен отырысы Ішкі саясат басқармасының әлеуметтік тапсырысына сәйкес ұйымдастырылды, – дейді Бақтияр Мәкен. – Кәсіподақ ұйымдарының жұмысын жақсарту, жаңғыртуға қатысты мәселелер ортаға салынды. Алдағы уақытта осы бағытта не істелуі керектігі талқыланды. Елімізде экология, білім, коммуникация және тағы басқа да салалар бойынша құрылған көптеген кәсіподақ мекемелері бар. Солардың бәрі басқосып, кезек күттірмес мәселелерді қарастырды. Жақсы ұсыныстар айтылды. Бұл ұсыныстардың бәрі қолдау тауып, жүзеге асатын болса, елеулі нәтижелерге қол жеткізетініміз анық. Исатай ҚОРҒАНБАЕВ АЛМАТЫ
3583 рет
көрсетілді0
пікір