- Ақпарат
- 26 Желтоқсан, 2012
«Төрлет, құтты Жаңа жыл!»
Әрбір мерекенің қарсаңында «Қазақстан» ұлттық арнасы ерекше сый ретінде жаңа жобаларды, қызықты бағдарламаларды көрерменге тарту ететіні жасырын емес. Жаңажылдық кеште қазақ көрермені теледидар алдына жайғаса отырып, біршама қызықтың куәсі атанады. Алғаш рет халықаралық деңгейде тойланатын жаңа жылдың куәсі болады.
«Төрлет, құтты Жаңа жыл!» жаңажылдық бағдарламасы еліміз үшін аса маңызды орын алған оқиғаларды қорытындылап, жаңа әндер мен үздік әзілдерді көрермен қауымға ұсынады. Бағдарламаны елімізге танымал өнер жұлдыздары Жұбаныш Жексенұлы, Мөлдір Әуелбекова, Нұрлан Әлімжан, Гүлназ Әлімгерей, Жансерік Бейсеев, Маржан Болатханқызы, Аида Рахым жүргізеді. Қазақстанның танымал сахна жұлдыздары Роза Рымбаева, Мәдина Сәдуақасова, «МузАрт», «Орда» тобы және т.б. әншілер өздерінің жаңа әндерін тарту етеді. Қазақстандықтарды Жаңа жыл мерекесімен құттықтауға шетелдік жұлдыздар арнайы шақырылды. Бағдарламаға отандық танымал әзіл-сықақ театрлары қатысады.
Торғын АБУШАХМАН
4608 рет
көрсетілді0
пікір
