- Ақпарат
- 10 Қаңтар, 2013
Кадр – жауапты тұлға
Елбасының көрсеткен жаңа саяси бағыты оның кемеңгер стратег, үздік мемлекеттік қайраткер екенін көрсетеді. Жолдауда қазіргі жылдам өзгеріп отыратын жаһандық сын-қатерге жан-жақты талдау жасалған. Президент осылардың барлығына мән бере отырып, қазақстандық мемлекеттілікті, демократия мен ұлт бірлігін одан әрі нығайту қажеттілігін атап өтті. Ол Парламенттің өкілеті мен рөлін күшейту, ұлттық құқықтық жүйені жаңғырту, сот билігінің беделін арттыру сынды мәселелерге ерекше мән берді. Құқық қорғау органдары қызметкерлерінің жұмысын нығайту және жетілдіру де маңызды боп табылады.Күшті экономика мемлекеттің ауқымды міндеттерді жүзеге асыруда негізгі рөл атқарады. Президент келешекте индустрияландыру, «жасыл» экономиканы дамыту, АӨК, кәсіпкерлік, сапалы білім және денсаулық сақтау мәселелері жайында тектен-текке айтқан жоқ. Осы мәселелердің шешім табуына көп жағдайда Астанада «ЭКСПО-2017» көрмесінің өтуі ықпал ететін болады. Біздің еліміз КО мен БЭК аясындағы ықпалдастықты жетілдіре бермек, сондай-ақ Еуразиялық экономикалық одақтық құрылуына ықпал етеді. Өзіміз көріп отырғандай, жаңа саяси бағыт Қазақстанның дамуы мен нығаюының жаңа кезеңі мен мүмкіндіктерін айқындайды. Елбасы Нұрсұлтан Назарбаев Тәуелсіздіктің 21 жылдығына арналған салтанатты жиын барысында кадр саясаты жайлы сөз қозғап, жаңа экономикалық саясат кадрлар арқылы нығайтылуға тиіс екендігін айтты. Ол үшін басқарушылық ресурсын жетілдіруге тиіспіз және бұған бізде резервтер бар. Елбасы өз сөзінде аутсорсинг бағдарламалары арқылы сыртқы кадр ресурстарын тартып, сонымен қатар үздік шетел мамандарын жұмысқа шақыру керектігін айтты. Кең көлемді халықаралық тәжірибесі бар кадрларды пайдалану арқылы менеджментті жаңғыртып қана қоймай өзіміздің отандық кадрларымызды үйретеміз. Елбасының 2030 Стратегиясы мерзімінен бұрын орындалды. Енді алдағы уақытта дамыған 30 елдің қатарына кіруде аянбай еңбек етеміз. Раушангүл Авакова, Әл-Фараби атындағы ҚазҰУ-дың Шығыстану факультеті түркітану және үндітану кафедрасының меңгерушісі, филология ғылымдарының докторы, профессор
2965 рет
көрсетілді0
пікір