- Ақпарат
- 07 Ақпан, 2013
Баламалы энергия көздері: 25 жоба іске асты
Қазақстан Республикасының Премьер-министрі Серік Ахметовтің төрағалығымен кезекті Үкімет отырысы болып өтті.
Жиында баламалы энергия көздерін дамыту мәселелері қаралды. Қазақстан Республикасы Премьер-министрінің орынбасары – Индустрия және жаңа технологиялар министрі Әсет Исекешев елімізде бұл бағытта атқарылып жатқан іс-шаралар барысын баяндады. Ә.Исекешев елімізде жаңартылатын энергия көздерін дамытудың 25 жобасы іске асырылғандығын тілге тиек етті. Мысалы, Рождество кордонында Болотов қондырғысы, Л.Н.Гумилев атындағы Еуразия ұлттық университетінің шатырындағы күн қуатын жинау қондырғысы жұмыс істей бастады. Сондай-ақ Алматы облысының тау өзендерінде 20 МВт қуатты құрайтын 5 шағын ГЭС іске қосылғандығын айтып өтті. Үкімет отырысын қорытындылаған Үкімет басшысы С.Ахметов жаңартылатын энергия көздерін дамыту ісі еліміздің энергетика саласының негізгі бағытының бірі екенін айта келіп, Мемлекет басшысының бұл мәселеге айрықша назар аударып отырғанын атап өтті.
3278 рет
көрсетілді0
пікір