- Ақпарат
- 07 Ақпан, 2013
Ықпалдастыққа – кең өріс
Қазақстан Республикасының Сыртқы істер министрі Ерлан Ыдырысов өзінің германиялық әріптесі, федералды Сыртқы істер министрі Гидо Вестервелленің шақыруы бойынша ресми сапармен Германия Федеративтік Республикасында болды. Е.Ыдырысов ГФР вице-канцлері және экономика және технология федералдық министрі Филипп Реслермен кездесті. Тараптар екіжақты сауда-экономикалық, инвестициялық және технологиялық ынтымақтастық жөнінде пікір алмасты. Елбасының 2012 жылдың ақпан айында Берлинге жасаған сапары барысында қол жеткізілген келісімдерді іске асыру жөнінде мәселелер талқыланды. Сыртқы саясат және қауіпсіздік жөніндегі федералды канцлердің кеңесшісі Кристофер Хойсгенмен кездесу барысында екіжақты және халықаралық ынтымақтастықтың өзекті мәселелері бойынша пікір алмасу болды. Сондай-ақ сапар барысында Е.Ыдырысов ГФР Экономика және технологиялар министрінің орынбасары Вернер Рессингпен, Іскерлік кеңестің тең төрағасы, «Deutsche Bank» банкінің атқарушы директоры Петер Тильспен, Германия экономикасы Шығыс комитетінің төрағасы Э.Кордеспен және бизнес өкілдерімен кездесу өткізді.
2281 рет
көрсетілді0
пікір