• Білім және ғылым
• 02 Шілде, 2015

Ғалымның мерейтойы

ҚР Мемлекеттік Орталық му­зейінде белгілі ғалым тұлғалары­мыз­дың бірі, филология ғылымының докторы, профессор Нұргелді Ма­қа­жанұлы Уәлидің 70 жасқа толуына орай шығармашылық кеш болып өтті. Кеште музей директоры Н.Әлім­бай сөз алып, ғалым жайында өзінің жылы лебізін білдірді. Соны­мен бірге А.Байтұрсынов атын­дағы Тіл білімі ғылымы институты дирек­торының орынбасары А.Фазылжанова, С.Демирел атындағы универси­теттің тіл, коммуникация және мәдениет орталығының жетек­шісі З.Ахметжанова ғалымның қазақ ұлттық этнографиясына қосқан үле­сіне ерекше тоқталып, тілектерін айтты. Н.Уәлидің ғылыми еңбектері қазақ тілі мәдениетінің, әдеби тіл нормаларын кодификациялаудың теориялық әрі практикалық проб­лемаларына және қазақ фра­зео­логиясының өзекті мәселе­ле­ріне арналған. Олардың негізгілері: «Сөз мәдениеті» (1984); «Қазақ орфогра­фиясындағы қиындықтар» (1988); «Қазақ графикасы мен орфографиясының фонологиялық негіздері» (1993); «Қазақтың бата-тілектері» (1993; 2007); «Фразеология және тілдік норма» (1997); «Емлесі қиын сөздер» (2001, авторлар бірлестігі); «Қазақ тілінің орфографиялық сөздігі» (1988, 2001, 2005, 2007, авторлар бірлестігі); «Қазақ тілі орфоэпиялық сөздігі» (2005, 2007 жж.) және т.б. Ол музейде «Мәдени мұра» Ұлттық бағдарламасы аясында жарық көрген «Қазақтың этнографиялық категориялар, ұғымдар мен атауларының дәстүрлі жүйесі. Энциклопедия» (I-II-III томдары. Ғылыми редакторы Н.Әлімбай) атты іргелі еңбектің негізгі авторларының бірі және редакция алқасының мүшесі. Н.АМАНТАЕВА