• Әдебиет
• 16 Наурыз, 2016

«Орамды ойдың жемісі»

Мағжан Жұмабаев атындағы Ақмола облыстық әмбебап ғылыми кітапханасында Қазақстан Жазушылар одағының мүшесі, белгілі қаламгер, журналист Мағира Қожахметованың 70 жылдық мерейтойына орай «Орамды ойдың жемісі» атты элек­трондық кітаптың тұсаукесер жиыны өтті.

Электрондық басылымның тұсаукесерінде жазушының әріптесі Райхан Хайрушқызы және психология ғылымының докторы Асия Хайрушқызы ізгі лебіздерін білдірді. Жазушы, жыршы-жырау Жұмабай Есекейұлы әуелетіп ән шырқады. «Адам – құпия», «Әлем – әуен», «Жантәсілім» романдары мен «Жападан жалғыз», «Күннің алтын сынығы» сияқты тамаша кітаптар ұсынған Мағира Қожахметованың қаламгерлік шеберлігі, елге сіңірген еңбегі жайлы айтылып, «Қаламгердің сырлы әлемі» атты кітап көрмесі ұйымдастырылды.

С.ЖАСБАТЫРҚЫЗЫ