- Ақпарат
- 25 Сәуір, 2024
Бауырластық байланыс
Саха жазушыларының кітаптарының тұсаукесерінде бауырлас елдің ақсақал жазушысы: «Біз, түркілер, сынған құмыраның сынықтары секілдіміз. Әрқайсымыз «мен үлкен сынықпын» деп мақтанған боламыз. Одан не пайда? Құмыра сынып кеткен ғой», – деп сөз бастады...
Қазақ пен саха арасындағы бауырластық тамыры тереңде, ал Кеңес уақытындағы әдеби байланыс 1930 жылдары басталған еді. Қос халықтың ақындары Жазушылар одағы қабырғасында, кейін Әдебиет институтында қатар оқып,
дос-жар болған. Мінеки, сол жолдастықты бүгінгі заманның ақын-жазушыларымен нығайту мақсатында «Якут-қазақ әдеби байланысын нығайту» атты дөңгелек үстел өтті. Дөңгелек үстелге Якутиядан ат арытып, өң тоздырып, Саха Республикасының халық жазушысы Николай Лугинов, Якутияның халық ақыны Наталья Харлампьева, ақын, публицист, Ресей Жазушылар одағының мүшесі Зинаида Архипова, Саха Республикасының Жазушылар одағының мүшелері Данил Макеев, Валерий Луковцев қатысты. Жиынға қазақ ақын-жазушыларынан қаламгер-журналист, Жазушылар одағының төрағасы Мереке Құлкенов, ақын, журналист Ұлықбек Есдәулет, жазушы Тұрсынай Оразбаева, әл-Фараби атындағы Қазақ Ұлттық университетінің филология ғылымының докторы Анарбай Бұлдыбай қатысып, сөз сөйледі.
Ақын-жазушыларға қазақ дәстүріне сай шапан жабылды. Якут оркестрі ән айтып, өлең оқыды. Дөңгелек үстелдің соңы Қазақстан Жазушылар одағы мен Якутия Жазушылар одағының меморандумға қол қоюымен аяқталды.
Ақгүл Айдарбекқызы
63 рет
көрсетілді0
пікір